[MaTyA]

Urhoy

كاتب النص الأصلي : Urhoy

اكيد عزيزتي ماتيا، ومقالتكِ رائعة ومهمّة ايضاً.
ذكرتِ نقاطاً هامّة كالضرب والتسلط بأسلوب جميل.

اولاً بتشكرك عنجد..كلك زوء على المدح

تانياً بعقب على ردك :

-هناك نقطة هامّة نلاحظها بكثرة في مجتمعنا والضحيّة تكون فيها الفتاة أو الطفلة، إذ يعاملها الأب والأخ منذ نعومة اظفارها على أساس أنها ممكن ان تجلب العار إلى العائلة وبأسلوب يجعلها تشعر بنقص قيمتها وبوجود شيء يجعل إخوتها الذكور أفضل منها وهذا يجرح مشاعرها ويؤثّر على نموّ عواطفها بوجود شرخ واسع في علاقتها مع الاب أو الاخ.

بالنسبة لاول نقطة واللي هي معاملة الفتاة بقساوة على اعتبار انها ما رح تجلب الا العار فـ هالشي موجود للاسف ، النظرة المسبقة والتصرف بناءً على هالنظرة هو خطأ ، اصلاً التربية السيئة "المبنية على هالخلفية" هي اللي ممكن تؤدي الى جلب العار " كـ مفهوم شرقي على الاقل" ، اما افضلية الذكور فـ هي النقطة موجودة ، يعني سواء تعاملت البنت بحنان او بقساوة قصة افضلية الذكور موجودة ، قلنا المجتمع ذكوري والافضلية للذكر .

وبحب قول موضوع القساوة انا حكيت عن قساوة اب على ابنته ، لكن ممكن يكون على ابن ، ممكن يكون قساوة ام وليس اب ، اصلاً انا حكيت بالبداية انو الامر المذكور لا يقتصر على الاب .

فاصبحت عبارة "الله يستر عليها" لا بدّ منها كلّما راى احدهم فتاةً في الشّارع، فهل هي هذه العبارة منصفة للفتاة؟

هون بقى بتظهر افضلية الذكور ، يعني مهما الشب عمل بيقلولك "هاد شب مو بنت" ، مع العلم انو الغلط غلط سواء شب او بنت ، لكن مجتمعنا يعطي عذراً للشب ولا يعطهِ للفتاة . واذا الفتاة تصرفت تصرف بينتقدوها وبنهاية النقد المهين بيقولوا "الله يستر عليها" ما النا فيها!!

يجب على الاب ترك همومه على عتبة البيت قبل ان يدخله .

طبعاً وجب التنويه انو مو الكل بيقدر يفصل بين نظام العمل ونظام البيت ، ومو الكل بيقدر يترك همومه على عتبة البيت قبل الدخول ، لهذا بهيك حالة في اساليب معينة للتخفيف من نتائج تراكم هموم الوالد اللي حملها بمهنته .

- مقارنة الأطفال باصدقائهم وأقرانهم أمر سلبي ايضاً، فعندما أقول لطفلي بان صديقه الفلاني افضل منه لانّه لا يعبث في أدوات البيت أو لأنه يأكل أكثر منه (بعد أن اضربه واوبّخه) ستجعله ربما يكره أصدقائه وأن يشعر بأن أباه يحب صديقه اكثر منه.

100% ، هالنقطة انا ما ذكرتها ، وطبعاً هذا امر شائع كمان ، المقارنة بين الاطفال وتفضيل احدهما على الآخر يولد شعور الغيرة والكره والغضب لدى المـُـفضـَّـل عليه ، وهذا ليس من مصلحة احد ، لا الأهل ولا الطفل ، شكراً الك على ذكر هالنقطة لاني ما ذكرتها .

ولكن ضربه له كلّما أتى باكياً الى المنزل لن يقوّي بالضرورة شخصيّته،

ضربه ممكن يؤدي لـ امرين :

1 ) يتمرد ويفرغ غضبه بطفل اصغر منه ، ممكن يكون اخيه او قريب او حتى غريب .

2 ) انو يصير يخاف ويشعر بالتردد والجـُـبن ويشعر انه اضعف من انو يواجه حدا ،
ويشعر انه اضعف من انو يدافع عن نفسو .. يعني بيصير عندو ضعف شخصية .

thx

الك