[قرصان الأدرياتيك]

كاتب النص الأصلي : شوط ياقمر

قرصانو .. تحياتي المبجلة .
الموضوع يازعامة .. مابظنو كان درس بـ اللغة العربية .. هوي خاطرة .. وشخصياً ماشفت في لغبصة لغوية . لحتا تمرء وتعطي درس للشبيبة بـ قواعد اللغة .. هادا عداك عن تفسيرك الخاص للخربوشي بما يحلو لك .

هلا فيك "شوط يا قمر"... وألك كمان تحيّات.
بالنسبة للموضوع فمحدا يا صديقي قال أنو درس عربي، بس عموماً بما أنّ الخواطر والخربشات نازلة بقسم اسمو "أدب" جنباً إلى جنب "الشعر" و"المسرح"... إلخ، فعنصر اللغة من أهمّ العناصر في الأدب وهالشي ما بيخفى على طالب أدب سنة أولى!!! ولمّا بمرّ بمكان وصلّح غلط لغوي فيه فما بيعني أبداً إني قلبتو لدرس لغة عربيّة، بس للأسف الاعتراضات غير المنطقيّة هيّ اللي حوّلت الموضوع لدروس باللغة لأن مبيّن أنّو أستاذ اللغة شيتكن (سابقاً) كان محتاج لكتير فت خبز لأن "التمييز" بين الحرف والحركة بيعرفو طالب صفّ أوّل ابتدائي! هاي بالنسبة لمين حوّل الموضوع لدرس عربي.
فأمّا أنّك تقول ما شفت "لغبصة لغويّة" فهاد محتاج لتأكيد من جهتك قدّام الشّباب الطيبة بأسباب لغويّة مقنعة، وأنا بقلك إذا بدّك بننقل النقاش اللغويّ لمحل تاني ونشوف كان في لغبصة ولا لأ! وفيك تأثبتلي حكيك بكل بساطة وبنفس البساطة رح أقتنع معك!
هلا نجي على تفسيري يلي ما كان خاص... كان يعتمد على لغة الخاطرة أو الخربشة (ما بعرف الاسم المناسب ألها)، وأي تفسير بيطلع برات النصّ هو تفسير مبنيّ على اجتهاد، وبظنك سمعان شو يعني دراسة أي نصّ "لغويّاً" قبل التطرّق للأفكار والأمور الأخرى! فمن هيك يا صديقي حتى بهَي ما فيك تأكّد إني طلعت برات النصّ بحرف واحد لأن ما عندك دليل أمّا أنا عندي!
وآخر شي إذا ما بتعرف أنّو أنا أكلت المخالفة بسبب ردي على مريومة الغزيّالة بكلمتين تتضمّن أنّو الموضوع لما حُذف ورجع كان طاير منّو رد واحد فقط وهو ردّي على مسيو عربي "راو"، فوين الغلط إني قول شو طار من الموضوع؟! ولا الحق دائماً بيعمي العيون المليانة رماد؟!

كانت خربوشة .. حولتا عـ درس عربي .
طبعاً ماسبق .. رأي لـ مواطن درويش ...... مر من هنا .
عدا عن ذلك .. فور يو

بتشكرك على رأيك وبيسعدني حوارك.
و Per te.