اقتباس:
كاتب النص الأصلي : Marooshe
اجبار الفتاة على التزوج من مغتصبها
جريمة اكبر من الاغتصاب بذاتو
انها تعيش مع منتهك جسدها وحقها بالاختيار
اقبح ما يمكن ان يكون من جرائم
لاء .. عنجد ؟
وكيف بتفسرو اغتصاب الأطفال ؟ كمان برضاهم ؟
واغتصاب العجزة ؟
واغتصاب الأب لبنتو والأخ لأختو .. والعم والخال والجد وزوج الأم ؟
كمان برضى الضحية!
|
شو مشان اختلط الحابل بالنابل؟؟
بتحبي نحكي بالاجبار عانفراد -لحالو بدو موضوع لأنو - منحكي
بتحبي تحكي بانعدام الارادة عند الاطفال منحكي
بالسفاااح بدك .. منحكي
بالقانون لحال منحكي ..
بس ما تخلطي الحابل بالنابل مو ناقص الموضوع صفحات لأن
كون هلئ فيني فوتك بحالات الاجبار عالزواج بدون اغتصاب .. والاغتصاب بدون اجبار .. والاجبار عالاغتصاب ..
وما منعود منخلص
اقتباس:
معظم حالات الأغتصاب بتصير من ناس معروفين للضحايا .. يعني مش وحدة لابسة قصير وماشية بالشارع بنص الليل وعم تتدلع للشباب وتقلهن ، انو ما بدي ، بس تعو !
انكو تلقو اللوم على الضحية بتكونو عم تعطو شرعيه لهالجريمة ،
ما في اغتصاب بيتم غصب .. يعني كلو بيتم برضى .. يعني علاقة جنسية سليمة برضى الطرفين ..
حتى لو كان بدون مخدر او تهديد بالسلاح .. الاغتصاب الجماعي كيف بيتفسر ؟ كمان برضى ؟ وكيف فيها البنت تقاوم تلات او اربع وحوش ؟
بحالات الاغتصاب ردة الفعل بتكون وحدة من تنين ،
يا اما البنت بتصرخ وبتقاوم وبرضو هالشي ما بيمنع من انها تغتصب
يا اما بيصير عندها حالة جمود تام وبهالحالة ما بتكون قادرة لا على الحركة ولا على المقاومة ولا على الصراخ ولا حتى على الحكي .. وبهالحالة قمة الجهل انو يتسمى رد هالفعل بـ الرضى !
|
شفتي العجئة شو بتعمل
شو بدي أنا بقصص التخدير والتهديد بالسلاح وماإليه .. عأساس انو كلن محصنات والوحوش ناطرين عباب البيت!!
هه, شو هالنكتة؟؟
ومشان انمرقا منقول .. شو رأيك باغتصاب الاطفال والعجايز والتهديد.. انت عم تحط الحق عالضحية إذا فأنت الجلاد الحقيقي
اي لأ .. عنجد؟؟
اطلعي من ورا هالعحئة بقى واقريلي هالرد منيح, حبيتو لأني
فضلا عن احتوائه لجزء كبير من الحقيقة والأهم انو رد عصلب الموضوع ..
اقتباس:
كاتب النص الأصلي : nour333
بصراحة انا حسيت انو صار كتير خلط بالامور برأيي يا ريت نفصل هون اغتصاب الفتاة الصغيرة عن البنت الناضجة لأنو الاول بجميع اشكالو واماكنو جريمة ما حد بقدر يلاقيلها اسم او حجم
اما النوع الثاني كل حالة تدرس على حدى وخلونا نكون واقعيين يعني انتو ما بترضو الظلم وبتخيل فيو ظلم انو وحده ادعت انها اغتصبت وبعدين يحاكمو الشب عشر سنين سجن؟
تاني شي ركزولي على المكان البنت الناضجه بتعرف متى المفروض يكون مكانها مع اي رجل غير آمن
تاني شي انا -واي بنت بتخيل - دايما بخلي مسافة امان بيني وبين اي رجل هاد بمكان عملي فكيف بمكان مغلق ممكن بنت توصلو مع رجل شو بتتوقع يفرجيها على حوض السمك في بيتو ولا يلفلها ساندويشة يا ريت ما ندعي السذاجه لأنو وصلنا لمرحلة اكبر من اقتنائها
|
