شكرا كتير أحمد على هالفكرة الرائعة، فعلاً خلونا ننسا انو كان في سوريا ورؤساء قبل عام 1970، والتاريخ (تاريخ سوريا الحديث) يلي بدرسونا ياه كتير ناقص.
وحتى تاريخ سوريا القديم، بيبلش من نهاية العصر الجاهلي، يعني مع نشأة الاسلام، بس في تاريخ كبير لسوريا قبل الجاهلية، وقديم من أيام الفينيقيين، والآشوريين، والتدمريين، والحقبة المسيحية يلي امتدت قرابة 400 سنة، وغيرهم هدول منسمع فيهم بالاسم فقط، أما تاريخهم فمختفي حتى بالمكتبات ما بتلاقي كتب عن الفترات القديمة، يمكن نلاقي كتب بالمكتبات الأجنبية.
على كل حال، اذا حدا قرا شي كتاب عن فترات التاريخ المغمور لسوريا، فيا ريت يخبرنا عنو، ويا ريت يكون الكتاب للقارئ العادي، لأنو نحنا ما بدنا كمان نعمل رسالة دكتوراه بالتاريخ، هي تركناها لطلاب التاريخ
وشكرا مرة تانية أحمد على هالموضوع الرائع