أخوية - عرض مشاركة واحدة

Lotus · 18/11/2006

اقتباس:

كاتب النص الأصلي : vanina

برافو عليكي انك ادرتي تتغلبي عليها وبتصرف عقلاني منك
انتي ماغلطي معها, هي الي غلطت ,ومع هيك انتي عملتي باصلك ومانزلتي لمستواها

وبحيكي على قوتك لانو اصعب الشي وقت يكون عندك صديق يختفي فجاة ويترك جرح بالقلب

بس المهم انو نتجاوز هالمحنه ونطيب جرحنا بايدنا لانو هيك ناس حرام نزعل مشانون دقيقه

والاهم من كلشي نتعلم و نعرف كيف نختار ,,
,الانسان بيتعلم من هالمواقف وبصير اقوى

شلون لكن

lotus
بتشكرك على مرورك يا اموره

المشكلة كمان vanina إنها معي يوميا بحكم طبيعة المكان يلي بيجمعنا... فكانت معاناتي أكبر إني مسل يوميا إني أوية بالبداية مشان ما بدي ياها تحس إنها تركت جرح بألبي

... كنت موت وأنا عم مسل إني منيحة

... خصوصا إنه كنا عايشين عند بعض عن طريئ الsms.!!!!

.. يعني إزا عطست بخبرا وهيي كمان

... أطعت أنا كل شي بيناتنا.. لإنه ما عدت متحملة تصرفاتا غير المبررة وتغيرها الجذري خصوصا بعد ما آلتلي؟؟ "تحمليني هيك!!!"

كتير تكركبت حياتي وأتا وتكركبت أكتر بعد انقطاع الاتصال بيناتنا..وترك هالشي فراغ بحياتي كبير.... بس كمان كان قراري أنا لوأف هالمهزلة... وكان لازم اتحمل النتيجة المبدئية مشان أوصل لنتيجة نهائية مريحة..بس بعدين خلص تمسح ألبي... وتبلدت مشاعري... ما بتستاهل حتى الزعل!!! وبالعكس.. صرت حس تجاوزي للمحنة عم يدايئا هيي ولو ما آلت بصراحة

...وكنت مبسوطة إني عم إنئلا رسالة إنو مالا فرءآنة معي.. وعااااااااااااايشة!!! ومبسوطة... وما بدي ياها بحياتي كلا..

برجع بعقب على موضوعك التاني تبع التعبير عن المشاعر لعلاقتن ببعض... عرفتي ليه هيك بعامل يلي بحبن في البداية؟ لإني بخاف أسق فيهن... يصير هيك موقف معي... وينكسر ألبي... يعني بحس بناقوس الخطر عم يضرب لمن بيبلش حدن يصير بحياتي شي مهم كتير... بعرف آخرتا أكلة هوا مرتبة!!!!

مشان هيك... الحدود كتير حلوة... لا عاد بدي صحبات أنتيم... ولا بدي يتحرك هالألب!!! ميرسي إلك vanina

ولاستماعك... يا قمر