اقتباس:
كاتب النص الأصلي : ayhamm26
هالخبر صرلي فترة طويلة كل فترة بلاقي بيطلع , بس للاسف ما في طريقة للتأكد من صحتو لانو كل المجندين بالجيش بيتلقوا نفس المعاملة المعروفة.
بس النقطة المثيرة للانتباه من بعض التعليقات هي حملة التخوين الفظيعة ضد الاكراد, يعني كل كردي هو خائن وعم يطالب بالاستقلال عن سوريا حتى تثبت برائتو و هالبراءة ما بتثبت الا اذا كان موالي للنظام و عم يردد امة عربية واحدة
بتمنى من اللي عم يلقي التهم هيك وهيك يشفلنا كم حزب كردي من الاحزاب الموجودة برا سوريا عم يدعي للانفصال عن سوريا؟؟ معلش نبهونا اذا كنا غافلين..........
الا اذا كانت المطالبة بحقوقن متل تعلم لغتن الخاصة فين و غيرو تعتبر مطالب بالانفصال.
من جهة تانية الغريب بالموضوع انو كل كردي سوري بيتم ربطوا بطريقة عشوائية باكراد العراق , مع العلم انو نظامنا التقدمي كانت وما زالت علاقاتو من احسن ما يكون مع اكراد العراق و جلال الطالباني ضل حتى عينوا الامريكان بوظيفة رئيس العراق بيحمل جواز سفر سوري دبلوماسي بالوقت اللي في اكتر من 200 الف كردي عايشين بمنطقة الجزيرة محرومين من الجنسية السورية.
وعبد الله أوجلان اللي كان بدو يعمل للاكراد الاتراك وطن مستقل ضل لسنة 1998 مقيم بسوريا و حزبو كان يحظى بدعم النظام السوري وكان هو سبب الازمة الشهيرة مع تركيا.
|
مرحبا
هلا في شغلة
انو مو كل كردي طالب بالاستقلال عن سوريا خاين
بس قلي وين بدو يستقل وين البلد
يعني أكيد ما راح أجي اقبل انو ياخد قطعة من سوريا ويعملها كردستان متل مو صاير بالعراق وبعدين مو ناقصنا تنشال قطع من هالبلد بيكفي لواء اسكندرون والجولان
هلاء انا مع حقوق الكراد انو يكتبو ويتعلموا لغتوا بمعاهد خاصة من السران والارميين اللس الهون معاهد لتعليم لغتهم
بس الحق يقال أنو لهلاء ما قابلت شخص كردي مع احترامي الهون
ألا كان من ضمن أفكاروا وأحلاموا انو يكون مستقل عن سوريا بجزء من سوريا واللي هوي الجزيرة وانا برفض هالفكرة شخصيا
هلق اذا بدنا نحكي عن مواقف سياسية ما منخلص لبوكرة لانو المواقف بتحكم فيها الظروف
وما في ولا دولة ولا سياسة عالمية موقفها ثابت من قضية معينة على طول
