مرحبا يا جماعة...
نحنا باليابان بنحب نلعب بهيك شغلات (قصدي الغاز بدا تفكير)
شو رأيكن؟
رح اعطيكم لغز ولنشوف مين بحلو...
ورح بلش بشغلة سهلة
عندنا 300 كيلو طحين
ميزان ابو كفتين (متل اللي عند الخضرجي)
قطعة حديد 30 كيلو
وقطعة حديد 5 كيلو
كيف فيننا نقسم الطحين لقسمين اول واحد 65 كيلو وتاني واحد 235 كيلو بشرط انو نستعمل الميزان مرتين بس وبشرط كمان انو نستعمل قطعة الحديد مرة وحدة (يعني اذا استعملت قطعة الحديد 30 كيلو اول مرة ما فينك ترجع تستعملا ونفس الشي لل 5 كيلو)
هاتو لنشوف مين اول واحد بيحلها صح