الليل : بحبو كتير .. وبحس الحياة بتشتغل بالليل .. وبشكل عام بحب العتمة انا وبحب فترة اللليل اكتر بالكتير من النهار ..
الصديق الوفي : شي غالي كتير كتير كتير مابحس في الا اللي جربو .. وعنجد الحياة بلا صديق وفي حياة ناقصة كتير .. مع انو صايرة شوي قليل هالصديق بس لسه في
القلب : منبض الاحاسيس ..وكلشي واهم عضو بجسم الانسان 
وفي قلب حب وقلب عادي 
بس مشكلة ازا وقف ببنفصل الانسان صوت وصورة
الحــب :الحب .. شي رائع كتير كتير .. وشعور حلو جدا جدا .. لهلأ ماجربتو 100% بس انو شعور حلو كتير كتير بينك وبين الشريك التاني .. شعور رائع بخليلك الحياة حلوة .. بتحس بطعمة حياتك .. بتحس انو في حدا هيك محليلك حياتك ... بتفرح في وبتحبو وبضحي مشانو .. يعني باختصار شي اكتر من رائع .. ويتمنى اني جربو عن قريب
الانانيــــة : الانانية .. مابعرف شغلة ماكتير بستحبا .. ينعي انو صفا شوي بدايق منا وبكره صاحبا .. وبصراحة اكتر الشي بدايق منا خلال العب بالطابة
الصداقة : شي رائع كمان .. والاصدقاء بلاهن مافي حياة .. ورفقاتي عندي انا هم الشي عندن وبحبن كتير وعندي ياهن من اغلى الشغلات بحياتي
الاطمئنان :شعور الله يدوقو للجميع ... لانو هو اساس الحياة .. يعني بلا الحياة بتصير صعبة ومكركبة وسئية ..بس بقول الله يطعم هالشعور للكل ومايحرموا لحدا يارب ولكل السامعين
السـعادة : كمان مايقول غير الله يطعم هالشعور للجميع وللكل للكل .. اللي بحبن واللي مابحبن لانو عنجد هي اساس الحياة .. ومايحرم حدا منو ويضل الكل سعيد ومبسوط ومايتنكد بحياتو ..
الصدق : شي اساسي بكل العلاقات .. واي خلل بهالصفة .. فعتبري انو العلاقة فاشبة ومصيرا الفشل .. لانو الصدق عامود اي علاقة
اللقاء : اكيد اللقاء شي حلو كتير .. وفي كتير ناس صلي بعرفن سنة واكتر ولحد الان مالتقيت فين .. بس مع زلك علاقتي فين اكتر من رائعة مع انو ماشفنا بعض لحدا الان .. بس اكيد القاء هو اللي بكمل كلشي وفي بتحلى العلاقة اكتر ..
الوداع : شي صعب كتير وكل سنة انا بجربوا كل سنة لازم ... حتى انو بطلت حس في يعني .. بما انو انا متغربو كل سنة بنزل فلازم جربو .. ومن كر ماجربتو جلدي تمسح عادي ماعادت تفرق معي
بس كمان هو شي صعب ازا كان اول مرة وصعب كتير وخاصة ازا كانو بين شخصين عزبزين
العذاب : شعور اكيد الله لايدوقو لحدا مين ماكان يكون .. لانو بنكد الحياة كلا وبخليا سوداوية .. والله لاعزب حدا
الكذب : مخرب كل علاقات .. وصفة حقيرة كتير .. يعني ماكتير بحب اصحابا .. والكزب هو اكبر الاسباب اللي بترخب العلاقات بمختلف انواعا
التواضع : شي حلو كتبر وصفة روعة .. الانسان المتواضع انسان محبو جدا جدا . وعند اكل عكس الانسان المتعجرف .. وبالعكس الانسان المتواضع بيرتفع اكتر .. بدال ماينزل
الوفاء :شي رائع كتير .. والانسان الوفي انسان عظيم ورائع .. وبحسو كامل الصفات لانو اللي بكون وفي بكون بكلشي منيح وعنجد الوفاء شي اساسي كتير بين الرفقة .. وبين الاحباب كمان
الاخلاص : كمان نفس الحكي عن الوفاء .. الاخلاص بنطبق عليه نفس الحكي .. وطبعا من الاصل المنيح والشرف انك تخلص للي قدملك معروف ومن قلة الاصل انك تنسا
العمر : شي عبينقص يوم عن يوم .. المهم الواحد ميخبص في
الدنيا : الدنيا حاسسة عجقا وناس وعالم وخلق وبشر اومم .. بصراحة بوجعني راسي منا انا كتير ..يعني بتمنى انو تخف هالزحمة وهالناس تتحسن شوي ووتعيش الناس برواق لانو عنجد الدنيا صايرة مكركبة كتبر .. وماعاد خرج ينعاش فيا
الطبيعة : شي حلو كتير وبحسن النفسية تبعت البني ادم وبخلي نفسبتو حلوة .. وخاصة الطبيعة الجبلية والخضار .. وشي حلو كتير
الوطن : الوطن هادا شغلة كبيرة كتير .. الوطن غالي الوطن عزيز .. الزطن شي رائع الوطن هو الشرف تبعك والارض والعرض .. وهو اكبر شي من شخصية الانسان .. يعني وطن شي اساسي من شخصيتك .. مفروض عليك احترامو .. وكمان غير لازم يحترمو ويحترمك بسببو الوطن شغلة كبير .. ماحدا بحس فيا غير البعيد عنا .. ومابحس بطعمتو غير المتغرب ووطنا بزالت وسوريا بالزات بحسا غير كل هالاوطان .. الله يحرس سوريا ويجعلا عز الاوطان والبلاد .. زيردع طل متغرب لوطنو سعيد ومبسوط
اليأس : شعور صعب .. بنتابني كتير .. شبيه كتير بالاكتئاب .. بس للاسف بسود الحياة قدامك .. يعني خلص بتوقف كلشي عن الحباة عند هالشعور .. بتشوف الدنيا بسوداوية .. وبتتمنى انو توقف عن هالحظة
الحياة : الحياة كلها مآسي .. بس الزمان غدار آآسي ماشي الحياة بنيطق عليها نفس الحكي تبع العمر والدنيا ومنجمعن مع بعض .. بس اكيد الواحد لازم يعمل شي بحاتو وبترك بصمة منيحة ..وزكر منبح
الصبر : الصبر كمان صفة منيحة .. وبحسد اصحابا عليها .. يعني صاحب هالصفة بحسو مرتاح وماكتير بوتر اعصابو وقليل الانفعل مشان هيك بتكون طريقة تعاملو منيحة .. هالصفة يمكن ماتكون عندي كتير .. بس عنجد صفة رائعة وبحبا لانا بتريح الانسان بحياتو او بتخلي يتحمل هالحياة ..