أخوية - عرض مشاركة واحدة

minime1967 · 04/05/2005

اقتباس:

كاتب النص الأصلي : عاشق من فلسطين

اقتباس:

قال أحد المفكرين ((العرب ظاهرة صوتية))
ربما بعض الشعراء زعلوا عندما تحرر جنوب لبنان و طالبوا على رأي الماغوط بجنوب جديد محتل ليتغنوا ببطولاته.
أنا لست ضدك و لست ضد أي أحد و لكن أنا برأيي أن علينا نحن العرب أن نجرب الصمت قليلا و لنشوف شو رح يطلع معنا , كفانا شحذ همم و ندب عالأمة المحتلة صرلنا خمسين سنة عم نندب وما لقينا نتيجة ,ما لازم نحاول نجرب طريقة تانية؟
الزعماء العرب ألون عم يصفقوا فينا من عشرات السنين خطابات و نحنا لساتنا نايمين,إذا الواحد ما فاق معك إذا ناديت عليه هزو,إذا ما فاق كب عليه مي وإذا ما فاق فمعناتا هالزلمي ميت.
إذا لا تقلي(( لكن)) الثائر لا يقول لكن فإنها تذكرني بالنواب حين يقول:
لولا
لعنت لولا تملك أسلحة الدنيا و تسأل كيف نحارب.
و إنشالله ما يكون حدا زعل مني لأني عبرت بصراحة.
و سلام..!

مشكور على المداخلة النقدية اللي أول مرة بتحصل هون بالمنتدى .. وأنا سعيد كتير أنو بلش النقد البناء بالمنتدى ..
أول شي معك حق بغالبية كلامك ..
بس أول شي أنا هيي كتبتها من شي سنيتين يعني كان عمري شي 18 سنة . وكانت أول قصيدة الي .. يعني كنت بمهدي الأول الشعري والرمزي في الشعر ..
وتاني شي أنا تقصدت كتابة كلمة لكن بالقصيدة .. حتى أبحث عن قارئ يقول لي لا تقل لكن .. لكي أجد أحدا" يواسيني ويقول لي لا تقل لكن ..
يعني هادا النمط من الشعر هوي نمط بيقوم الشاعر فيه بدور المنهزم (وهو ليس كذلك) لكي يحرض الهمم .. وليقول له أحد أن كلامك مخطىء.. وبذلك يصل الى الهدف ..
بس للأسف ماحدا قلي هالشي غير شاعر متلي ..

واما بالنسبة لقولك

اقتباس:

قال أحد المفكرين ((العرب ظاهرة صوتية))

فهون حابب قلك انو المفكر انسان واقعي عقلاني .. والشاعر زوادته الحلم والرومنسية .. لأنو الشاعر عندما يفقد الحس الرومنسي يتحول الى فيلسوف ..

أنا كتير انبسطت بمداخلتك .. وبتمنى أنو دائما" نتحاور بكتاباتي وكتاباتك ..

العروس العربية مش عم تمشي بدها حدا , يدفشها دفشة ...