[امرأة من ورق]

كاتب النص الأصلي : ابومزيد

هاي شباب وصبايا انا بعرف مسبقا انو كلامي ما رح يعجب النخبة المثقفة بهالمنتدى وما رح يعجب كتير من البنات بس سوري انا بحب قول الكلمة اللي مقتنع فيها ووصل فكرتي بدون اذية حدا
انتو عم تقولوا انو مجرم اللي بيقتل احدى قرايباتو والقانون ما عم ينصف
طيب هاي البنت اللي اقامت علاقة غير معترف فيها بالنسبة لمجتمعنا ما اجرمت بحق نفسها وبحق اخواتها البنات وعليلتها وعيلة عيلتها بهاد التصرف وكيف صارت سمعتون
وعلى فكرة بس تنفضح هيك شغلة سواء انقتلت البنت او ما انقتلت الفضيحة هي هي

انا مو مع الاخ او الزوج بالقتل ولا مع القانون بهاد التساهل مع هيك جرائم
في اخت من شوي قالت انو اكتر من 50% موافقين على هيك جرائم انا بقول هاد الحكي مانو دقيق اكتر من 75% بتكون نسبة معقولة بمجتمعنا
نحنا بدنا قانون يعاقب المجرم اشد العقوبة
بس يا ترى ال75% من الناس شو بدون؟؟؟؟؟؟؟؟؟؟؟؟؟؟؟؟

بعد ماكتبت رد طويل عريض راحت صفحة الانترنت وراح معها الرد

بس مع ذلك رح ارجع اكتب ردي واللي هوي عبارة عن تعليق على اخر جملة كتبتها ياابو مزيد

برأيك بس نطالب بتغيير القانون لازم نطالب بتغييرو لحتى يناسب اهواء وامنيات الاغلبية او لحتى نصحح اهواء الاغلبية لما بتكون اهواء مريضة وغير اخلاقية؟؟

يعني مثلا اذا وصل عدد المرتشين بشي بلد ل 75% وصارو هال 75% بيتمنو القانون يتساهل معون بالموضوع نحنا شو لازم نعمل؟؟؟ انو بنعدل القانون بطريقة تسهل عليون الرشوة او بطريقة انو يصير القانون اكتر شدة وصرامة بموضوع الرشوة لحتى نخليون يرتدعو عنها؟؟؟

برأيي انو رأي الاغلبية بعمرو ماعمل قانون سليم بالعكس القانون السليم هوي اللي بيردع الاغلبية عن عمل الخطأ

وتحياتي