[*Marwa*]

السلام عليكم ورحمة الله وبركاته

رمضان كريم وكل عام وانتم بخير..اما بعد

(رح ارجع احكي عامية لانو انا والفصحى مش كتير صحاب )

هالموضوع فتحته لحتى يحكي كل شخص فينا عن دولته او وسطه اللي عايش فيه او حتى اي دولة بحب يحكي عن اجواء رمضان فيها ..وبتمنى التفاعل وتمتعونا بالاجواء الرمضانية الرائعة..
رح بلش احكي انا عن الاقلية العربية الاسلامية اللي عايشة في اسرائيل يعني عرب ال 48
من الاشياء الحلوة اللي بتصير عنا برمضان انو بتبرعوا شباب وصبايا لتنظيف البلدات العربية وتنظيف الجوامع والمقابر ..هو دايما هالاشيا بتصير بس برمضان الجو غير شكل بتعرفوا
غير انو منجمع تبرعات للعائلات المستورة وللزكاة وبهالشهر عنجد بتحس بالخير والمحبة بين الناس..يعني بقريتي انا في اشيا معينة اللي لازم تنعمل كل رمضان ..يعني نحنا طلاب المدرسة منجمع المصروف تبعنا ومنروح منشتري فيه لوازم مدرسة وكتب للطلاب المحتاجين.. انو ما بعرف بحس انو برمضان القلوب بتتقرب من بعض اكتر..
بس ان احسن شي بصيييييييير هو انو الشباب اللي بكونوا ماشيين وفاتحين المسجل على اعلى صوت بختفوا برمضان وبزوقوا على حالهن! لك يا ريت كل الايام متل رمضان..واحلى شي الافطار الجماعي بالمدرسة
انو عنجد يا ريت كل الاوقات متل رمضان..والمفروض يكون كل شهر متل رمضان.. بس يلا معلش الواحد يعمل خير ولو بس برمضان احسن من انو ما يعمل بالمرة

ورمضااااااااااااااااااااا ااان كرييييييييييييييييييييييي يم