للمرة التانية خلال 48 ساعة بقلك البريد للاسئلة المباشرة الواضحة
بالنسبة ليلي كاتبتيه وبعيداً عن مصطلحات نشرات الاخبار من كيل بمكيالين وكوريا الشمالية ومنعرف ثقافتك السياسية ومافي داعي لتوضيحها هون.. فبدك تنتبهي انو من المشاركة الماضية وانا عم اتغاضى عن اهانات واتهامات بالجملة.. فعلى مايبدو انتي فهمتي غض النظر هاد انو ضعف أو عدم مقدرة على الرد بنفس الطريقة
المرة الماضية غلطتي بالكلام كتير ورجعتي اعتذرتي فتوقعت انو وصلتك الفكرة لو الغرض كان مخالفتك كان فيني خالفك على عشر اهانات بس انتي مصرة تبقي بهالأسلوب الغريب... بكل الأحوال بدي جاوبك على ماورد بهالمشاركة كمان:
اقتباس:
|
يعني بكل الاقسام بتجي كلمة هيك ولا هيك عابرة وبتمضي بتكون ما مستاهلة مخالفة
|
اتفضلي اقري الضوابط يلي صرت 1000 مرة منبهة عليها مشان ماتسيب الأقسام:
اقتباس:
المشاركات الخارجة عن صلب الموضوع الأساسي في الصالون أو في التشريفات (السبام) : سوف يتم التشدد اتجاه هذا النوع من المخالفات على اعتبارها تسيئ لخصوصية أقسام الحوار الجدية وتنحو بالمواضيع إلى منحى آخر... يعني السلامات والتسالي وطق الحنك ضمن مواضيع أقسام الحوار الجدي غير مقبولة أبداً ولها مواضيع وأقسام خاصة
|
http://akhawia.net/showthread.php?t=121945
عندك حل غير كتابة ضوابط بخط كبير وتلوينها بالأحمر مشان الأعضاء يلتزموا؟؟ وقت مابدك تلتزمي مشكلتك مو مشكلتي.. واذا انتي ما لاحظتي انو من اكتر من 3 شهور عم نتشدد بتطبيق الضوابط بالصالون وبالتشريفات وعلى الكل بدون استثناء فكمان هي مشكلتك مو مشكلتي.
اقتباس:
|
وكتير بتصير بيكتفي الاداري المسؤول بحذف الردود
|
انتي هيك برأيك؟؟ يعني مشان حضرتك ماتلتزمي بضوابط الاقسام وتتصرفي على كيفك يضلو الاداريين عم يحزفو وينضفو؟؟ هاد الصح برأيك؟؟
اقتباس:
|
فأنا مابعرف يعني خلال شهر صرتي عاطيتيني شي 10 مخالفات شوقصتك
|
إتهام كاذب بيندرح ضمن سياسة الاتهامات الكاذبة يلي عم تستعمليها...
حضرتك لتاريخ مبارح ومن سنة لغاية اليوم ماكنتي أخدة غير مخالفتين مني ومخالفة من مرسيل... يعني المجموع تلاته من سنه مانو عشرة من شهر...
بدك تعتذري عن هالاتهمات الكاذبة وإلا سكري موضوعك لأنو ماني مجبورة جاوب شخص عم يتهمني علناً باتهامات هو بيعرف انها كاذبة...
حاولت لاقي كلمة غير الكذب لأوصف عدد المخالفات مالقيت..
اقتباس:
|
هو عندة سياسة الكيل بمكيالين
|
مافهمت شو يعني
عندة بس على فرض بتقصدي عندي هالسياسة فبحب قلك انو مبارح تحديداً وبنفس الموضوع يلي اتخالفتي فيه اتخالف عدة اعضاء بتجمعني فيهون صداقة شخصية... طبعاً مافيني قلك مين هنن لأنو موضوع المخالفات موضوع سري إلا اذا حدا فات كزب واتهمنا بعدد مخالفات كزب فمننجبر نوضح...
المهم كمان هاد اتهام كاذب وبالدليل القاطع للأعضاء يلي اتخالفو مبارح وللاداريين يلي بيطلعو على المخالفات...
هاد كل شي عندي بالنسبة لهالحلقة الجديدة من المسلسل.. كمان مرة ياريت بالحلقة الجديدة يكون في سؤال واضح أو شكوى معينة صادقة بتحتوي على روابط وأحداث مو على حفلة اتهامات وتجريح كاذبة.