اقتباس:
- ما هو حق الخصوصية ؟ ولأي درجة تعتقد أنه مهم بالنسبة لك ؟
|
حق الخصوصية بعتبرو حق من البديهي أن يحصل عليه أي انسان
في الي حياة عامة .. هي بتشارك فيها مع محيطي رفقاتي
والي حياة خاصة بعتبرا حديقتي الصغيرة يلي بحب اختلي فيها لوحدي ونسقها على كيفي وارتاح فيها وعيش كيف ما بدي وما يدخل حدا عليها عنوة .. دخول الآخر الها بيتم بإرادتي أنا فقط وبيضل اسمو ضيف فيها
اقتباس:
|
متى تنتهي خصوصيتك و يصبح من حق الاآخرين التدخل بشؤونك ..؟؟
|
عند حدود حديقتي الخاصة .... يعني بمجرد ما تنتهي حياتي الخاصة ويصير في تداخل مع حياة الآخرين بيصير هون الاحتفاظ بالخصوصية صعب شوي ... لأن العلاقات مع الآخر بتضمن المشاركة ويلي هي كمان شي حلو
كمان لما رح آخد اجراء أو قرار بيأثر على اللآخرين فهون من حقهم التدخل
اقتباس:
|
ما الذي يضمن احترام خصوصيتك ( القانون ، وعي المجتمع .. أشياء أخرى ) ؟
|
ما بعرف من الناحية القانونية شو رح جاوب لهيك بقول ما بعرف
من ناحية المجتمع فكوني بالغربة ... يمكن من أجمل الأشيا بالبلد يلي مغتربة فيه احترام خصوصيتي ... هالشي بفقدو ببلدي الأم
بالفترة الأخيرة أهلي تكون عندهم وعي منيح تجاهي وصارو يحترموا خصوصيتي أكتر بكتير من قبل رغم إني بعرف مثلاً بأن والدتي عندها رغبة جامحة باقتحام حديقتي  ...لكن خلص صارت تعرف إني تغيرت
بالإضافة لدفاعي أنا عن هالحق .... قبل لما كنت أصغر كنت أخجل قول هاد أمر شخصي وما بدي جاوب ... أما هلا فيعني ما عاد فارقة
اقتباس:
|
هل تعتقد انه يتم انتهاك حق خصوصيتك ؟ ( في حال الإجابة ب نعم - رجاء اذكر أوجه هذا الانتهاك ) ؟ هل تشارك أنت ( بقصد او دون قصد ) بانتهاك خصوصية الآخرين ) ؟
|
بالنسبة للشق الأول ... اي كتير بدءاً من سؤال ليش التلفون كان مشغول وشو عم تعملي وشفناكي مارة بالشارع الفلاني وين كنتي رايحة ومين رح تشوفي و .. و ... 
طبعاً هالشي بصادفو بسوريا كنت ... هلا من حسن الحظ خفت كتير حشرية الناس معي ... يمكن لأن صرت اعرف حط هالحدود لحياتي الشخصية أكتر من قبل
بالنسبة للشق التاني ... يمكن بنتهك خصوصية الأخرين بدون قصد لما بسمع اخبارون من الناس مع العلم إني ما بسأل... لكن هلا بعتبر في تحسن من طرفي أكتر بكتير من قبل  حتى من يومين في أحد الاصدقاء اتهمني بعدم الاهتمام لأني ما بنزل فيه اسئلة وتحقيقات
اقتباس:
|
ما هو مقدار ارتباط الحرية باحترام الخصوصية ...و هل تعتبر نفسك حر .. بمقدار ما تملك من خصوصية ..؟؟
|
الخصوصية جزء من الحرية
إن كنت بعتبر نفسي حرة بهالخصوصية فالجواب هو بفرنسا نعم ... بسوريا يعني أقل
// وأنّ حضورك في دمي مسكُ الختام //
|