[Nasserm]

كاتب النص الأصلي : saman

بهالموضوع ... رح نكتب ( يعني مو بس انا ) احداث مثيرة للاهتمام او الاستغراب ... في الاماكن العامة يلي تم ذكرها آنفاً ...

يا سيدي من كام سنة.. صار معي أحداث مثيرة للاهتمام والاستغراب

كنت أمتطي ميكروسيرفيس بالشام.. وإذ.. بتطلع جنبي ختيارة..

وهييييييييييييييييك بعد شي ربع ساعة.. وأنا مدري بشو كنت شارد..

ما لاقيتلك هالختيارة إلا صاحت بالشوفير:

يا ابني ع مهلك ع مهلك.. نزّلني عند صنم حافظ الأسد


إي حشى الله ما بقي رقبة مخلوق إلا فتلت صوبها بعيون ولا عيون الجاحظ

قامت هي المعترة.. ضبّت كلاكيشها ونزلت ع السريع


بعدها عينك تشوف الركّاب..

هاد اللي يبربس بينو وبين حالو..

وهيديك اللي تضحك بعبّها..

وهاد اللي عيونوا مزوغلة زوغلة ع اللي حواليه..

والشوفور.. طاااااااار.. بس بدّو يبعّد عن هالختيارة المشبوهة

فـ يعني.. إي.. هاي حادثة حدثت معي من الحوادث المثيرة للشو اسمو اللي قلت عليه


فـ.. يالله.. حلل وناقش