اقتباس:
كاتب النص الأصلي : ABUSHHAB
أنا بصراحة بحسد كل واحد قاعد ببلده لأنه الغربة مرة
|
حلو الكلام طيب لونو الواحد بيحسن يضل بيتغرب؟؟
مو طالع بي ايدنا شي
اقتباس:
كاتب النص الأصلي : sandra
هو دايما الإنسان بيبحث عن ظروف افضل
و هالقصة دارجة بكل محل
يعني مثلاً بسمع عن كتار بيحلمو بفرنسا وبتجي لفرنسا بتلاقي حلم شبابهم يروحو لكندا لأن الظروف هنيك أفضل
بس بعتقد إذا بدنا نقارن بين نسبة الشباب السوريين يلي بيطمحو للعمل بالخارج أو بيفكرو بالسفر وبين الشباب الفرنسيين .. فنسبة السوريين رح تكون أعلى بتصوري
حلو حكيك منلاحظ انو كلامك مزبوط بس هالشي بيرجع للطبيعة الانسانية اللي ما بيعجبها العجب  بس يعني شغلة مفروغ منها انو الوضع بفرنسا احسن من البلد  و ما بدها تنين يحكو فيها
 |
اقتباس:
كاتب النص الأصلي : inodessa
الغربة سببها الطموح... وهيي دليل طموح الشعب السوري العالي... وقدراتو يلي أكبر من مستوى البلد...
طاقات سورية تصرف خارج سورية... لخدمة اوطان ليست اوطاننا... وبأسعار بخسة.. فوا أسفاه
الغربة هي حل مر ان كانت حل... او هرب من واقع أمر ان كانت هرب...
|
الطموح لونو الواحد بيقدر يحققو ببلدو ما بيسافر و كمان مو بس نحن اللي عم نسافر و نخدم باسعار بخسة لسا في عالم بتاخد ارخص مننا بي الف مرة و رضيانة
معك حق انو طاقات سوريا عم تنصرف برات سوريا
بس هاد الواقع و طالما بلدك ما بيقدر طاقات شعبو فما في امل
الغربة هي حل مر نوعا ما و لكنها ليست امر من البقاء في وطن لا يقدرك و هذا المرار الاصلي و متل ما قلت هرب من واقع امر
اقتباس:
كاتب النص الأصلي : جاد81
ما في شي اسمو غربة برأيي الشخصي
بيي قلي حكمة مهمة كتير لألي ( أ{ض ما بترزق إلزق )
يعني بسوريا و لا على سطح القمر
السفر بيعلم الانسان اشيا كتير و مهمة
كون بغربة و انت برى الوطن افضل بمئات المرات ما تكون عايش بالوطن و بين اهلك و حاسس بغربة
و سلامتكم جميعا ً
|
حكمة ابوك حلوة و معروفة و هي من اجمل الحكم بمجال العمل بس يا ترا انت متغرب ما بتشتاق لابوك العطاك هالحكمة
مو كل يوم بتكون عم تفكر فيه و بي امك و بطبخها و اخواتك و صحابك
شكرا للمرور
اقتباس:
كاتب النص الأصلي : whiterose
انا بحس الغربة هروب فعلا
اهم اسباب هالهروب هو الوضع المعيشي
لكن الغربة هية بالنهاية هروب من واقع مرفوض
والغربة ممكن تكون تجربة كبيرة بحياة الانسان وبتخيل اثارها دائما ايجابية لو كانت نتائجها سلبية
لانو الانسان بيتعلم من التجارب والتجربة بتصقل شخصية الانسان وبتقوية كتير لمراحل متقدمة من حياته
|
مزبوط الغربة تجربة كبيرة و بالنسبة نتائجها بتعود للشخص العايش فيها فهو اللي بيتحكم بنتائجها مو هيي
و شخصية الانسان بتنصقل كتير بعد ما يتغرب
اقتباس:
كاتب النص الأصلي : whiterose
الغنى بالغربة فقر والعكس صحيح مو هيك بيقولو؟
|
لا بالعكس الغنى وين من كان حلو ما في احلى من العملة
اقتباس:
كاتب النص الأصلي : اسبيرانزا
اقبلنا اقبلنا حتى وُحلِنا بالطين والدم
غدى الإدبار املا فى التطهير والإحساس بالكرامة
|
شكرا عالخاطرة
اقتباس:
كاتب النص الأصلي : 3ajeeb
سلامات وشكرا عالموضوع
برأيي الشخصي انو بين انو الغربة هروب ولا حل فهيي اكيد نسبية القصة
بحالتي وباغلب الحالات ما فيك تقول عن الغربة هروب لان الهروب بيعني ان العم يهرب جبان وما خرج مجابهة الظروف
بس وقت اللي بسافر عشرين الف كيلومتر وببلش حياة ببلد جديد فهاد فيه كتير من الشجاعة والبأس وبكون دور على حل انسب من الغربة الداخلية اللي ذكروها الشبيبة
اما في حالات اخرى كالتملص من العسكرية مثلا فهيي هروب وفي غير امثلة
على كلن في جملة ظريفة بتمثل وضع المتغرب خارجيا وداخليا : دوم هنيك أحسن 
بغض النظر وين هنيك
وسلام |
اولا اهلا و سهلا
اكيد اللي عم يهرب مو جبان بس ضل وسيلة ما جربها
و فيك تقول المتغرب شجاع نوعا ما بس المتغرب و بيضل مو اللي بيطلع اسبوع و بيرجع لان ما عجبو الوضع (الا ببعض الحالات الاستثنائية)
حلوة هالجملة الحطيتها بالاخر بس صدقني لسا في بلاد بتحس سوريا حدها سويسرا و من دول العالم المتقدم جدا لما تشوف شعوبها
شكرا