[أبو السييم العظيم]

تحياتي للكل و لمنوشة الظريفة
يبدو أنو صار سوء فهم بسيط
هلق بشكل عام في وجهة نظر بكلامك بس الشي يللي أنا كنت عم إحكي عنو مو فكرة وجود الجنة أو لأ لأنو أنا مقتنع بوجودها و بعتقد الأغلبية مقتنع بوجودها بس نحنا حكينا على مفهوم الجنة كيف هيية بالنسبة للأديان و شو هي المقاييس يللي بتحدد دخولها ،، يعني مثلا ممكن الواحد يعقد الأمور و يخلي شروط الإلتحاق بالجميعة تبع الجنة أو النار ( بحسب الفكرة الكربوجة تبعك ) شروط صعبة و معقدة و يفرض عليكي أمور أنت نفسك مو مقتنعة فيها و يتدخل بتفاصيل كتيرة و صغيرة بحياتك و يقنعك أنو إذا ما بتعمليها فأنت ما عم تحققي الشروط ....

أو ممكن أنو يبسط الموضوع كلو و يقللك الأساسيات تبع النادي هي كذا و كذا و كذا يعني المهم نوصل للهدف فكيف أنت شايفة الوصول للهدف هي بتكون بحسب تربية الأسرة و بحسب المجتمع و القيم الأخلاقية العامة و يللي نحنا مقتنعين فيا فكل واحد بيحاول الوصول للهدف و بطريقتو يللي أكيد رح تكون طريقة جيدة لأنو الهدف هو هدف نبيل و سامي (( سامي مو أنا بقصد الهدف هو يللي سامي )) ....

أنا بعتقد مو بس بكلام معين هو مفتاح الوصول للهدف بقدر ما بكون العمل يللي بتعمليه و يللي بيغني عن هاد الكلام ..

آسف على الإطالة

أخوكم سامي