[ماما منوشه]

كاتب النص الأصلي : أبو السييم العظيم

أول شي شكرا كتيييير على الموضوع الرائع منوشة لأنو هاد السؤال كتيير بفكر فيه و بفكر بإجاباتو ..

بعتقد أنو ممن يكون في جنة بعد حياة الإنسان الأولى على الأرض و كمان ممكن تكون جنة الإنسان هية حياتو نفسا يعني الإنسان ممكن أن الحياة يللي عايشها ممكن تكون هي جنة على الأرض أو ممكن تكون هي جهنم تبعو ،، أكيد و بحسب مبدأ العدالة الإلهية فالإنسان هو يللي بيصنع حياتو بإيدو و بيصنع جنتو أو جهنم تبعو ،،

هون بقى بتبلش تفوت الأمور ببعضا بخصوص موضوع العدالة الإلهية يللي في كتيير من الناس بشكك فيها ،، يللي هي مو حديثنا اليوم

بس الشي الأكيد أنو أعمال الإنسان هي اللي بتحدد الإنسان الخير من الإنسان السيء و مين يللي رح يلتعن فاطسو بالنار و مين يللي رح يبورد و يروق بالجنة

هلا ابو السيم اولا ونورت الموضوع
هلأ نناقش فكرتك
انا ما بسأل إن كان في جنة من الاصل أو لأ
لأن فكرة وجود الجنة لا نقاش فيها وانا مقتنعة مليون بالمية بوجودها لأن هيك قال رب العالمين على لسان انبيائة ورسلة...
انا بناقش انو نحنا في هالمنتدى وفي غيرة إن كان او كان في حياتنا العادية كمسلمين ومسيحيين ويهوديون نتصارع حول فكرة الجنة والنار... ومين بدو يدخل الجنو ومين بدو يفوت على النار
انا فكرتي انو يعني بالاسلام عندنا قواعد ثابتة ومن اهمها "شهادة أن لا اله الا الله وأن محمد رسول الله" وبعدها بيجي باقي اركان الاسلام الي ما بدي احكي فيها علشان ما ينحزف موضوعي من اولو لأخرو من الادارة بسببها
وفي الديانة المسيحية اكيد كمان في شروط للفوتة على النار يعني مش معقول انو كل المسيحيون بدون يفوتو على الجنة ويتركو النار فاضية ونفس الشيء عند اليهودية...

انا سؤالي انو ليه احنا بنتصارع على الجنة في حين ان كل واحد مننا بدينو بيعمل الي عليه وهو متأكد انو رح يفوت على الجنة بسبب اعمالة فلماذا يعني نحط براسنا ان ما رح يفوت حدا على الجنة غيرنا

يعني انا بعتقد انو الجنة في كل ديانة ببساطه متل النادي الاجتماعي.. لكل نادي منهم عضوية ولكل نادي منهم شروط التحاق.... انا بدي فوت على نادي جنة المسلمين فعملت عضوية ومشيت على شروط الاتحاق..
غيري بدو يفوت على نادي جنة المسيحيين.. خلص هو حر بحالة يروح هو هناك وانا اروح على النادي الي التحقت بيه... ليه بأه اصّر على انو نادي جنة المسيحيين هو النار في حين ان النادي بتاعي هو الافضل... هو اكيد الافضل برأيي بس مش كل البشر فكرون متل بعضون
.. اتمنى انو يكون فكرتي وصلت

كاتب النص الأصلي : madmax

لك شو بدك من كل هالحكي
أصلاً الله آخر همّو مزايا هالديانات التلاتة
و الله لما بدو يحاسب ..... ما رح يحاسب على طريقة لصلاة بحد ذاتها
أو عن شو بدنا نصوم ....... أو مين منحب أكتر من الانبياء ( يللي ما شاء الله كتير كتار )


يللي بهم من كل الديانات أنو :
ما في دين بيدعي للقتل
ما في دين بيدعي للسرقة
ما في دين بيدعي انك تقاتل جارك
ما في دين بيدعي للخيانة و للزنى و لكل شي سيء
أما باقي التفاصيل ( يللي برأيي كتير تافهة ) يللي بتختلف عليها الديانات و بتقاتل بعضها عليها
بظن الله أكبر من أنو يشغل بالو فيها

الواضح من كلامك ماد ماكس انو فكرتي ما وصلتك من الاصل
ارجو انك تقرا ردي على أبو السيم وارجو ان فكرتي تكون وصلت بعد ما تقراها

كاتب النص الأصلي : بنت الاكارم

هلا منوشه كيفك
ردي هو :

معنى كلامك انه لازم يكون لكل دين اله!!!!!!!!

او انه الله عز وجل وتعالى غير عادل

شكرا كتير على السؤال وتحياااتي الك

هلا حبيبتي ونورتي موضوعي والله
انا ما قلت انو لكل دين إله لأنو انا متأكده انو لا اله الا الله وان محمد رسول الله..
ولا اقدر قول انو الله عز وجل غير عادل..
انا بس من كترة الخلافات بالمنتدي هنا تحيرت من عقول لا تفكر غير في القاء بعضهم البعض في نار جهنم ويمكن كتار منهم منشغلين بهالفكرة عن عبادات دينهم فأجت عبالي هالفكرة وبعدها قلت ليه ما نناقشها كلنا...
بس انا متأكده أنو الله واحد وأن من يعمل مثقال ذرة خير يره ومن يعمل مثقال ذرة شر يره... يعين ما في ظلم اكيد لأن الله سمى نفسة ضمن الاسماء الحسنة (العادل)
تحياتي كرومة ونورتي الموضوع حبيبتي