[فلاش باك]

كاتب النص الأصلي : xena

حباب بقا قلي شلون بتعملوا شغلة الاقتباسات هي
المهم منرجع للموضوع ...
شغلة أنو الأميركان ما كانوا رضيانين عنو فأنا بخالفك فيا (مع احترامي إلك)
لأنو هني كانو مستلمينو من وقت كان بمصر لما هرب من العراق طبعا بعد ما حاول يغتال عبد الكريم قاسم
و بعدا رجع عالعراق و صار فجأة إلو وزن سياسي و صار جنرال, بعدا استلم الحكم بسرعة قياسية غريبة بعد الانقلاب على أحمد حسن البكر و هادا طبعا بعد تخطيط مسبق لهالشي و مؤامرات للوصول للسلطة .. اسأل أي عراقي بيقلك هالحكي و ما بيقدر ينكرو .. فطبعا هادا كلو صار بدعم من أمريكا , بعدا طبعا صارت حرب الخليج الأولى بتحريض و دعم من أمريكا بعدا بحرب الخليج التاني بعد ما حرضتو أمريكا عليا و بعدا وقفت ضدو ,فتوترت العلاقة بينو و بينن فصار بدو بقلن لأ هلأ و عأثرا حوصرت العراق و ما قدر يسوي شي فعليا و انتهى الأمر بسحب البساط من تحتو لأنو ما عاد الخادم المطيع لأمريكا .. طبعا هي حال العراق هلأ , بس نحنا ما منقدر نعمل الشخص عظيم بس لأنو ما عاد خاين , بذمتو أرواح الآلاف من الضحايا الأبرياء , نحنا عم نحكي عنو بكل بساطة بس شو بيقولو يللي راحلن شخص قريب أو بعيد و تأذوا منو و تعذبوا نتيجة ديكتاتورية شعواء ؟منشفعلو بكل بساطة ؟ هيك هوي صار متلو متل أي احتلال ! معلش يمكن يكون عمل شي بس هادا ما يعني إني وصل لدرحة التعظيم لأنو بهالحالة بكون كتيييييير عم قلل من قيمة العظماء الحقيقيين
و صدقني أنا بحب اسمع كل الآراء و ماني لا متأثرة بالغرب ولا شي بس في شغلات بتكون واضحة و أنا سمعانتا بأذاني الاتنين من عالم داقوا المر بزمنو
و برجع و بقول أنا ما عم فضل الوضع الحالي بالعكس... بس أنا ما بحب الحق ينقلب بسبب المقارنات . الصح بيضلو صح و الغلط بيضلو غلط شو ما كان. و يللي عملو ما ممكن يكون إنساني ... أما بالنسبة لمحاكمتو فهي موضوع تاني ..
أخيرا و ليس آخرا عجبني ردك و أنا معك بكتير نقاط قلتا و بحترم رأيك شو ما كان بس إلا ما يختلفوا العالم ما هيك ؟
بعتذر طولت ... إلي رجعة بس بكرا انشالله

هلئ اول شي بتشكرك على المراجعة التاريخية
تاني شغلة انا معك انو انو صدام كان صحبة مع امريكا (بس مو عميل ) يعني مو كل شخص صحبة مع امريكا صار عميل
شغلة تانية صحيح امريكا ساعدت صدام بحربو مع ايران لأنو كان في مصلحة مشتركة وانا حكيت عن هالنقطة من قبل وهي انو شاه ايران هو يلي كان عميل وزلمة امريكا في ايران وبعد ما صارت الثورة الايرانية بأيران صارت اميركا بدا تتحالف مع مين ماكان مشان تخلص من الخميني وشعاره تصدير الثورة واعذريني هون مافيني احكي اكتر من هيك مشان مافوت بأمو طائفية
وصدام كان الو مصلحة كمان انو امريكا تساعدو بعد ما العرب لاحظي معي العرب عاما والخليج خصوصا كانو عم يدفشو صدام مشان الحرب انو هو حامي الجبهة الشرقية للوطن العربي (انو ياصدام مننا المصاري والفلوس ومنك الرجال ) لدرجة انو صور صدام حسين كانت تتعلق بجانب صور امير الكويت بمنازل الكويتيين وحتى اكتر من هيك كانو النساء الكويتيات يتغزلو فيه وحتى الشاعرة سعاد الصباح يلي هي من أل الصباح (حكام الكويت ) كتبت فيه قصيدة او اكتر عم تمدحو

انا قلت انو صدام ماهو نبي لحتى مايغلط اكيد في اخطاء
ومشان الاقتباس انا جاهز بس اكيد مو بهادا الموضوع
ومتل ماقلتي فعلا كل شخص في عندو رأي وانا كمان بحترم الرأي غيري حتى لوكان مغاير الي
ونا بقول
الاختلاف بالرأي لايفسد للود قضية
وبرجعك بهنيكي على معلوماتك وطريقة مناقشتك
سلام