طيب حبيتا .. الفكرة هي .. بس بدي عذبك شوي تشرحلي مفهوم الذات الألهية .. وقدسيتا ( اعتباراً اني كمؤمنة ما فهمت لأي حد القدسيات بتصير  )
يعني منبدا بالله ( بالنسبة للأديان اللي اطلق عليها سماوية )
مننتهي بمين ؟ بالبقرة ... مثلا ؟ والشيطان ( عند عبدة الشيطان ) ؟ والجنس ( في ناس بتأله الجنس ) ؟؟ والعشقان اللي شايف حبيبتو الله ... !!
مشكلتا الذات الألهية شئنا أم أبينا ... مفهوم كتير بيحمل التوسع ليشمل كلشي ...
ولا المنظومة اللي حكيت عنها مكونة من لون واحد أو لونيين على الأكثر ؟ وهني ممثلين بالمسلمين والمسيحين ويا دار ما دخلك شر ؟
والمشكلة أنو حتى لو جيت وقبلت معك أنو نقصي كل الملحدين والمشركين واللاسماويين  و الكفرة وشو ما بدك نسميون من منظومتنا هي .. ونحصر القدسيات بالطرفين
بالمسيحية الثالوث ( الأب والمسيح والروح القدس ) قدسية .. وفي ناس بتعتبر العذرا قدسية ناهيك
عن ريتا وشربل ومارافرام ... والذهبي الفم ...... اوووووووووووووووه شلة طويلة عريضة )
وبيصير بالأسلام الرسول قدسية والصحابة قدسية ..
أي ....  بعد شوي بيصير عمر خالد قدسية .. وسامي يوسف ما فينا نقول أنو بينشذ ..
ببساطة فينا نتعامل مع الأمور بميزان أبسط من هيك بكتير ..
إن كان اللي عم ينعرض فكر .. إذا كان عندك فكر مقابل .. منتناقش بفكر ...
ماعندك فكر مقابل .. وقتا .. فيك ببساطة تسمح للفكر اللي عم ينعرض أنو يخلق عندك تساؤل أو بحث .. أو أيا شي ما .. يمكن وقتا بنعمل حوار بينفع .
إن كان اللي عم ينعرض هو مجرد لمعاداة الأيمان ( يعني هدول اللي بيتطرفو بإلحادن .. لدرجة أنو يا محلى المتطرف المتشدد المؤمن ) مسبات .. مواضيع بلا طعمة .. فينا بكل بساطة نتجاهلها ما نخوض فيا ...
ونثق أنو الذات الألهية مانا بحاجة لجهودنا البشريه ... 
|