[Beauty Angel]

كاتب النص الأصلي : يمان Rooooonaldo

خيتو .. بيوتي انجل .. مدموزيل .. انسة ما بتفرق كتير ..

حبيت علق على نقطة ..من مبارح كنت بدي رد عليكي .. بس اليوم وقت قريتا .. انو حبيت وضحلك شغلة صغيرة ..

القصة مانا قصة المنتدى والاعضاء بدن حدا او لا .. بس عهوا علمي .. انو الواحد وقت لازم يمزح مع واحد تاني .. ما بدو يكون متعرف عليه .. بدو يكون .. في شوية معرفة ما حنقول كتيرة ..

بعدين شغلة تانية .. انتي حكيتي انك عم .. تحكي وتتصرفي على طبيعتك .. شكلو .. جد في حدا .. عم يمزح معك .. او مخبرك انو .. هيك الشعب السوري شعب مصوفن وخالص وكلّو داحش الحمرا الطويلة بتمّو يعني ..

ومطفي .. لاء خيتو .. اللي بدو يتصرف على طبيعتو .. ما بيكتب متل ما حضرتك عم تكتبي ..
كان فيكي انك تثبتي حالك بين الاعضاء بطريقة .. تانية .. وتكوني بوقتا على طبيعتك ..

اهلا وسهلا فيكي ... انت على راحتك ... اعملي اللي بريحك ..
بس ازا بدك تضلي مصممة انو .. شعبنا خالص .. و يعطيكي العافية .. بدك تتحملي يعني ..

أنا ماحكيت بدكن حدآ او مابدكن بس انا قاصدة انو مارح جيب حدا من طرفي لانو انا ماعاجبتكن فشلون بدعي حدا يجي لهون

وخاصة من بعد المسخرة الي صارت بموضوع رفيقتي

طيب انا بمزح مع الي يمزح معي ., حدا مامزح معي مارح امزح معو

وبهون هالموضوع على اعتبار الكل عميمزح فنحنا مزحنا مع الكل وماكنا بنعرف انن جادين

لوكنت بعرف ماكنت ردودي هيك كنت لكل واحد برد غير رد وبغير اسلوب !

اساسا في ردود اول ماقرأت داقت اخلاقي بس بعدين قلت هي اكيد مزحة وبنرد عليها بمزحة !

وانا على طبيعتي قاصدة فيها انو أنا كتير مزوحة / بالنسبة للشعب السوري ما قلت عنو مصوفن وخالص اساسا انا مابعرف الشعب السوري منيح

ولك كيف بدي احكم عليه من بعيد / بحياتي كلا مازرت سوريا غير مرة أو مرتين وانا زغيرة لساني مافتت عالمدرسة

بالله شلون بدي احكم عليكن !

واذا بتلاحظ أنا مابرد عالمواضيع الي تخص سوريا لانو مافيني رد عليه وادحش حالي بشي مابعرفوا

فحكاية انو الشعب خالص مابعرف شو عم تحكي اساسا ماخطرت لي بنوب

بتعرف متل ما قلت انو كتير كلمات مابعرف معانيها بس لانو حدا استخدمها معي قبل برد فانا تعرفت ع الكلمة