[مسطول على طول]

كاتب النص الأصلي : Joe

أولا هادا الكلام (لحد قبل شق المحكمة الدولية) كان معقول سنة ال2001. هلق بشار دخل باللعبة مظبوط, لا بل طربق الطاولة على راس لبنان و أميركا و بريطانيا. جورج بوش رايح, بلير رايح, جاك شيراك رايح.. و بشار الأسد و شافيز و نجاد بقيانين.. على الأقل من هون لشي 10 سنين على الأقل الا اذا صار شي تطور خطير. ثم بشار الأسد بالذات ما فيك تحكي عليه انو شغل مصاري و واجهة.. و يلي عرفوه بالجامعة السورية بيعرفوا هالكلام منيح (طبعا مو انا بس معارفي)

الفكرة انو المحكمة الدولية ما رح يطلع منها شي.. و القصة قصة بلعطة عم يبلعطوها الشباب مشان يحاولوا يوقعوا النظام السوري بأي طريقة. بس الكل هلق بيعرف انو ما حدا إلو مصلحة من دول الجوار يوقع النظام السوري و أولهم لبنان.. لبنان هلق عم يحركش لأنه صار أداة بإيد الادارة الأمريكية بس هالشي رح ينتهي قريبا

للأسف في شباب (و انا كنت منهم) تحمسنا كتير بالسابق ضد النظام السوري.. و البعض دفع التمن غالي كتير كتير. بس التطورات الجديدة صارت واضحة إنها لصالح مين.. انا صرت فعلا استسخف الناس يلي لسا لاحقينا و عم يحكوا بانهيار الحكومة بسوريا او بيحكوا بالفساد
انا بالنسبة إلي صارت الصورة واضحة و ما بقى توضح اكتر من هيك... الفساد الاقتصادي شي تافه جدا ببلادنا. الشعب ما ببالو هيك شغلات... الشعب شعب طائفي قبلي عقله ببيضاته... هادا الشعب... اول شي مهم للشعب السوري و العربي هو الامن و الاستقرار ... و بعدين بمراحل بتجي أمور الفساد. حتى الديمقراطية مانها مطلب و لا بعمرها منطقتنا عاشت الديمقراطية. و شفنا ديمقراطية العراق شو طلع منها

بقى نصيحة اذا كنت سوري انك تضلك مع بلدك... لأنو بلدك حربوق و عم يمشي الكل من حواليه و ما رح يوقع بسهولة

انا معك بنسبة 99% متل انتخات العربيه ... ومصيرهم يتفاوضوا ويتحاوروا مع سوريا

والضربه التي لاتقسم الظهر تقويه والنظام بعد سقوط يغداد ومرحلة الرعب الي عاشه مرت وحرب لبنان خرج منها ولم تكسب اسرائيل شيىء . بقا النظام قوي اكتر من قبل

حتى اسرائيل ليس من مصلحتها انهيار النظام لانه هيك بلد غير الله وملائكته مابيمسكوها .. يعني لح تنفتح الجبهه على اسرائيل وبالنسبه لاسرائيل مابدا وجع راس الي فيها كفيها

ونظام لسع محتفظ باورق من العبه ويمكن زاردة . والخليجيين مصيرهم يتحاوروا مع هل نظام بسبب آيران والخوف من نموا القوه الآيرانيه يعني مالح ينزعوها ولا لح يقطعوا شعره بل بلعكس

وع سيرة العراق وسوريا

كانه العراق من فجر التاريخ مبليه بسفاحيين

وسوريا مبليه بدهات .. قبل الاسلام وبعد