[عبر المحيط]

كاتب النص الأصلي : Abu ToNi

[QUOTE
مساء الخير جميعا

اولا هناك الكثير من الاخوان لا نعلم هل هو علماني او ملحد او ماذا ..افكارة لا يعرف لها صادر او وارد
يتكلم عن الدين وكأنه من صنع البشر ويتكلم عن العلمانيه على انها حقل تجارب سنيين وقرون ودهور وحتى وصل الى هذه النتيجة الا وهي العلمانية يتفنن بالاسلوب والكلامات والمعنى واحد هو ان الدين وجده الانسان وان لا وجود للانبياء والصالحين وانها لعبه قديمة ابتكرها الاجداد لكي يضبطوا ايقاع الحياة والمجتمع وتسخير الايات والكتب السماوية في اثبات حقيقة دينهم
]

بغض النظر على اول جملة _ اللي ما فهمت منها شي بسبب الاخطاء المطبعية _

كيف بترفض فكرة العلمانية عبارة عن نتيجة تجارب مع العلم انه العلمانية ظهرت كتجربة لتغيير الوقع والتخلص من السلطة الكنسيّة ؟!
كتار من العالم متهجمين على العلمانية ، بس ولا واحد اتجرأ يحكي ويقول انها لم تكن وليدة تجارب السنين !!
بهنيك على اللقب اللي ما حدا حاصل عليه من قبل !!
هاموش : شايفلك انك انت اللي ما بتعرف شو معنى العلمانية وشو هية مفاهيمها


اول شي ايها العلماني قبل ان تتعلمن هي جملة خاطئة منطقيا لأن العلماني هو انسان مقتنع بالعلمانية فهوي متعلمن وخالص بحسب تعبيرك
منجي على الاسئلة :
الاسئلة كلها بتدل على سطحية فكرتك للعلمانية او حتى افكارك الخاطئة المتولدة عنها
مين قلك انه العلمانية اجت حتى تحط الاجابات عن صنع الكون وعن آلية عمل الجسم وعن نسل الانسان ؟!
اسئلتك هي ما الها علاقة بمفهوم العلمانية حتى انها ما الها علاقة بالموضوع هاد لأنها بتندردج تحت الحوار الديني الالحادي ، ما تحت الحوار الديني العلماني
وللأسف طريقة استخدامك وربطك بين الالحاد والعلمانية ما بتخليني غير اقول : يا همّ لالي .

ما بدي علق على كل هالحكي بالموضوع هون (( كونه بيدخل بموضوع دراسة صحة الاديان من الناحية الدينية البحتة او من الناحية العقائدة وما هاد هوي الموضوع المناسب لهي افكار بتحب ندخل بنقاش افتح موضوع بيتخصص بهي الفكرة ومستعد فوت معك لأبعد مدى ))
بس عجبتني اكتر شي آخر وحدة تبع الاجحاف والظلم :
يا اخي نحن هاد اللي عما نلعي قلبنا عليه كعلمانيين وما حدا عبيسمعنا
ما حدا قلك انه الدين حرم دراسة الطب !!
وقت بتقول (( اساليب حياة اجتماعية )) منكون عمنحكي على نظام اجتماعي بحت ما اله علاقة بإي مصادر ثاتبة
كل الفكرة انه الدين عبارة عن ثوابت منزلة لا يمكن تطويرها او تغييرها
والحياة الاجتماعية متطورة بشكل سريع (( كل مجتمع بسرعة مختلفة )) فكيف بدك التعاليم الثابتة والاحكام الغير قابلة للتطوير انها تتماشى مع احتياجات المجتمع المتطورة ؟!
عندك حل من حلين
اما بدك تعمل تغيير كل فترة والتانية بالدين مشان يواكب احتياجات العصر !!
او بدك تاخد من مصدر تاني مرجعيتك والمصدر هاد طبعا قابل للتطوير والتغير دائما بحسب متطلباتك واحتياجاتك .
بس انك تحطلي كتاب قدامي وتقلي هاد منزل من عند الله ولا يمكن تغييره وبنفس الوقت لازم تكب كل احتياجاتك الانسانية وكل احتياجات عصرك وكل المواكبات المطلوبة وتمشي على المنظومة اللي محددة داخل هالكتاب \\\ هاد هوي الاجحاف والظلم بعينه !!


يا سيدي انت قلتا ما انا اللي حكيتا
مجتمع من قبل 1400 سنة
سؤالي الك
بتعتبر نفسك عايش بنفس الظروف وبنفس الافكار اللي كان عايش فيها الانسان قبل 1400 سنة
للأسف الفكرة هي هية سبب تخلفنا
نحن عايشين بالفرن الواحد والعشرين بس علاقاتنا وافكارنا ما بتختلف عن جماعة القرن السابع ميلادي !!
ما شايف انه هاد هوي التخلف بعينه !! انك تعيش بأحكام مجتمع صرله اكتر من إلف سنة ونيفبدون ما ينضاف عليه مفاهيم او افكار جديدة او حتى تحديث للافكار القديمة ا!!!!!
وشو الها علاقة قطعة القماس الموضوعة على الراس باضافة صفة (( المحافظ )) للمجتمع
يعني اللي مرته متحجبة مستحيل يكون سارق او اقطاعي او غير امين او مجتمع فقير ؟!


شلون شلون ؟!
شلون بدك تعمل مرجعيتين مختلفتين لنفس الامور وبدك تآزرها ؟!
وقت بدك تعتبر العلمانية رديفة الدين ، هاد شي كتير حلو كون التنتين ما بيتعارضوا وكون الدين بيشتغل بالجوانب الروحية وبجوانب التعامل مع الله
اما العلمانية ( بكسر العين ) فما بتتعارض مع الدين وما بتدخل بالامور الروحية ، كل تعاملها مع التركيب الاجتماعي والمنظومات السياسية وهاد حكي مافي غبار عليه
بس المشكلة انه .. ما بدي اعيد الحكي طلاع على ردي السابق لهاد بتعرف شو المشكلة [/quote]


اشكرك يابو طوني

واعذرني عن الاخطاء اللي مثلك يفهمها وهي طايرة

وماراح اعقب كل شيئ

ياليت يابو طوني تضع عناصر ومفاهيم العلمانية ومفاهيم الالحاد مو لاجلي لا اجل العلمانيين العرب حديثين عهد بالعلمانية لانه بصراحة لم نعد نعلم ماذا يريد العلماني العربي تاره ملحد وتاره علماني وتاره كلاهما
يابو طوني الغرب واضح في مفاهيمه للعلمانية ولكن نحن ننتظر العربي ان وضح ماذا يريد ماهي عقدته مع الدين
وياليت يابو طوني تضع مثال على دوله عربيه علمانية بكسر العين وتذكر انجازاتها التاريخيه وتذكر اهم العوامل والمفاهيم التي استخدمها العلمانيين في تلك الدوله ؟( ننتظر جوابك بشغف) على الاقل نقول ابو طوني اقنعنا بمثال حي لا يشبعنا نظريات مع ان الواقع مرير
وفي اخر جمله انا اعطي فرضية فقط في حال كان هناك علمانية وسطية تتقبل الدين كا سند داعم فسرها كيفما تشاء ولو ان هناك بعد في المفاهيم كا بعد الارض عن زحل


تحياتي ابو طوني