[ملك قلبى]

صحتني نجمه من نومي
قالتلي اصحي يالا وقومي


قولتلها في ايه يانجمه مالك
قالتلي عرفيني ايه غير احوالك


قولتلها انا في دنيا حبيبي تايهه
وفي هواه سرحانه ودايبه


سألتني ايه اللي خلاكي تحبيه؟
قولتلها حسسني اني جميله
ومخليني على البنات أميرة
ومهما بعدت جوه قلبه حفضل اسيرة


قالتلي طيب هو اختارك ليه
ده كمان خلاكي جوه قلبه قبل عينيه
قولتلها ده سؤال مقدرش اجوبك عليه
لأن جوابه مش حتلاقيه غير في عنيه
قالتلي اوصفيه وقوليلي ايه الحلو فيه؟


قولتلها بكل وضوح
هو شاب طموح

اما عن قلبه فهوكتاب مفتوح



قالتلي انا عرفت دلوقتي انتي ليه في

دنيا حبيبك تايهه
وفي حبه سرحانه ودايبه


لكن قوليلي حاتقدمي له ايه!

وفي ايديك ايه تهديه ليه؟



قولتلها لو أراد ربنا وبقى ليا

حقدمله قلبي هديه
واجمل ورود الدنيا ديه
وهاحفر اسمه جوه قلبي قبل عنيا
ده حبيبي وكل ماليا
وكمان روحي ونور عنيا


قالتلي ربنا يسعدك ويهنيكي
ويجعله ملكك وليكي


ورجعت نجمتي سماها
عشان تنور دنياها


وسابتني لقلب حبيبي عاشقة
وفي دنيا حبيبي ملكة


ومابين لحظه والتانية!
لاقيتها نزلتلي مرة تانية


قولتلها في ايه يانجمة سمايا
ايه خلاكي تنزلي تاني دنيايا!


قالتلي حبيت الحب اللي في عنيكي ليه
فقولت انزل ابوسك واوصيكي اكتر عليه
اوعي في يوم تزعلي عنيه
ولا ابداً يوم تخاصميه
قولتلها انتي بتقولي ايه
انتي بتوصيني عليه!!!!
ده انا روحي فيه
وعمري ما اقدر ازعل عنيه


ارجعي وانتي مطمنه
انا بحبه جدا ومغرمه


ده ملك عمري وحياتي
واللي مالي بالسعاده كل اوقاتي
ومش ممكن انساه ولو ثواني

لان هو كل حياتي وكياني