انا في كتير لوحات بحب حطها ببـيتي - مسـتقبلا - و بتوقّـع بيتي رح يـكون مليان تمـاثيل و لوحات .. ببيتنا وقـت كنـت صغيره كان عنـّا كتـير لوحات و كان بكل غرفه في لوحـه كـبيره بالـصدر - كبيره يعني نص الحـيط - لذلك انا بحب اللوحات الكـبيره و الكبيره كتير .. ما بحب الفرسكو .. يعني اللوحات اللي بتنرسم عالحيط مباشره لانو بتخليك مقيّد بحيث انو مافيك تغيّر ديكور البيت و انا كتيّـيير بغـيّـر بالديكور كل يومين تلاته عم جر و شيل و حط
..
و هالدباجه كلها لخبرك انـّو كل مزاجيّه و كل فتره ممكن الواحد يرغب يعلّق لوحه بتناسـب مزاجيته .. بـغرفتي حاليا معلّـق بس لوحاتي .. .. من الفنانين اللي بحب حط لوحاتهم ببيتي و خاطرين عبالي بهالاثناء :
ساره شمـا
و ليوناردو دافنـشي ..
و اللوحه اللي من وقت شـفتها و أنـا صـار عندي شـغف بانـّي احتويها - نفـسها مش نـسخه عنها - لوحه بيكاسو عازف الغيتار العجوز :
هي اللوحه كنـت بمعرض من حوالي السنـه و نـص و مـش منتبهه كتـير حدن بيـصرخلي من ورا فـبطلّع لورا و هاد اخر شي بتذكر حـسيت فيه قبل ما حس بانـّو في شـي بارد مشي بجـسمي و اسـتقر عند خدودي .. فتـحت تمّـي و ما عاد صـدّق انو معقول ؟! في لوحه تانيه كان بيكاسو بلّش يرسمها تحت هي اللوحه و بعدين قام برسم هي فوقها و عالواقع هالـشي كتير ظاهر و محيـّر و ظريف ..
و مـن وقتها و انا بحـب اقتني هي اللوحه و اطلّـع عليها كل نهار محاوله فك رموز المرحله الزرقاء و رسـم عجوز يعزف الغيتار فوق لوحـه أم و بنـتها ..
ما كان الي خبر انـّو عندي كتير احكيه بهالمـوضوع قبـل