انا مابكفر كتير ..
بس من الكهربا صاير عبكفر باليوم شي 200 300 كفرية
نوم ماعدت انام متل العادة
من يومين مالي نايم غير 4 ساعات
لانو كل ما اجي بدي انام الكهربا مقطوعة والبيت خنيق
بطلع ع البردة مشان انام مووووووت احمر وشوب نار
حتى وصلت لدرجة اني ماعدت نام ع الفرشة صرت نام ع الارض مشان احس بشوية برودة حتى لو الارض وسخة صرت انام عليها من الشوب
عنجد مية من التل من قلة النوم لانو كل ما اجي انا تنطفي الكهربا
مو هون المشكلة
المشكلة انو هي في دوامين دوام صباحي ودوام مسائي
يعني من ال8 لل 10 ونص الصبح
ومن 4 لل 6 مسائا
طبعا المواعيد مو ثابتة كل يومين تلاتة بتتغير
ووبن المشكلة انو بعز دين الضهر بتنطفي وقت المكيفات لازم تشتغل
والابشع من هيك انو لما بتجي بتجي ضعيفة كتير ومابتكفي لانو تشغل مكيف او حتى غسالة من ضعفا
وكمان بزيدكن من الشعر بيت
لما بتجي الكهربا بتنقطع المي
والمي طول الليل مقطوعة
يااخي من يومين كنا عاملين تلبيسة عنا بالبيت لعمي المهم الناس اكلت وشبعت وشربت وطبعا ايدها تزفرت راحو بدن يغسلو ولا تشششششششش مافي مي نحن عرفانين مشان هيك اخدنا احتياطاتنا وعبينا البانيو وصارو يغسلو منو
يا اخي عنجد وضع مأساوي
اي مأساوي وعببالغ بهالكلمة
الوضع ماعاد يحتمل والوضع كل مالو لورا
من كل النواحي مو بس من الكهربا والمي
من كل النواحي
في بلاد صلا 40 سنة ما انقطعت الكهربا عندن
ونحن كل يوم عبتنقطع
دول متخلفة
مابتنقطع
ونحن لهلأ ماتوصلنا لحل لهالكهربا والمي
وضع ماساوي
بصراحة اللي قاعد برا مو متل اللي قاعد جوا
اللي قاعد جوا بحس بمأساوية الوضع عنجد من كل النواحي بهالبلد
عبقلي واحد من يومين انو مولدات الكربا ببلدنا قديمة كتير مشان هيك ماعدت تلحق
يعني بشكل عام الحالة صعبة
كنت قاعد برا مفكر من كتر مالي مشتاق لبلدي كنت مفكر انو رح شوف الجنة بس بالعكس
اتبينلي اني جيت عمكان تاني غير اللي كنت متوقعو
للاسف ..
انسي وصلت لهالوضع المأساوي
من الكهربا ومن المي ومن شغلات كتير لهلأ عبعاني منا المواطن وهالشعب اللي منيح منو انو متحمل
لك كلو بكفة
وهالسايح والمستثمر الخليجي ولا الاجنبي ولا العربي لما بجي ع بلد مشان ينبسط وبشوف الكهربا مقطوعة
وكل يوم عبتنقطع هية والمي شو بدو يقول على هالبلد ؟؟؟؟؟؟
وشو بدو يستثمر ببلد مافيا كهربا ومي
ولسه في حكي عن الاستثمارات الخليجية والاجنبية
ببلد لحد الان عبتنقطع فيا الكهربا والمي
لاتواخذيني اذا اسيتكن من هالموضوع بس هادا الواقع وهي الحالة بالبلد
والله يعين هالناس وهالشعب ..
وبضل بلدنا بلدنا
وعاشت سوريـــا
وعاش السوريين
