[SIMON]

المبارة بالشوط الأول كانت للريال من الباب للمحراب ...فرص متل النار أكتر شي لرونالدو..روبينيو... باتيستا ...راوول ..بيكهام
يعني فرص متل المطر ...بس الحظ و عدم التوفيق هنّي اللي وقفو ضدّنا بهالمبارة ...يعني بالقليلة لازم كنا ندخّل أكتر من 3 أهداف
من هالفرص...اعتمد اسبانيول من البداية للنهاية عالمرتدات و كانو متقوقعين بالدفاع...
بالشوط التاني كانت البهادل ..فاتو شبّيحة الريال عالملعب بدهون جول ..و متل الشوط الأول فرص متل النار كان أخطرها فرص لرونالدو
و لروبينيو اللي سدد بالعارضة يا حرام غير عوارض الشوط الأول...نجم اللقاء من جهة اسبانيول كان "دو لا بينيا" من دون منازع
اللي أربك الدفاع و خلق فرص من المرتدات...و الشي الكره أنو خسرنا لعّيبين للمباريات الجاي..راموس اللي أكل بطاقتين ..البطاقة
الأولى صحيحة بس التانية مشكوك بأمرها ...و باتيستا اللي فوراً أكل الحمرا من دون الصفرتين..و إيمتى بالدقيقة 94 " صحيحة ما في
عليها أي تعليق لأنو بصراحة كسرلو أجرو للاعب التاني و لعن سلافو..و ما بعرف إذا توقّف غير لعيبة من اللي أخدو بطاقات متل:
هلغيرا..جارسيا ... يعني ما ضل حدا يلعب الله يعينهون بالمبارة الجاي ..
"ملاحظة: الدوري بيتكمّل باليومين الأربعاء و الخميس" منرجع للمبارة و هدف الفوز لإسبانيول .. رفعة لمنطقة الجزاء بيصفّر الحكم
و بأكد أنو صفّر الحكم قبل ما ينطحها اللاعب Jarque و إذا كنتو محل اللعيبة و سمعتو صفرة من الحكم ما بتوقّفو لتشوفو شو بدو
الأفندي .. هيك عملو الريالية و إذ بيحسب الحكم الجول وسط ذهول لعيبة الريال من هالقرار و هجمو عليه للحكم عم يستفسرو
ليش حسبت الجول حتّى كاسياس صار عم يحكي مع الحكم و وصل معو لنص الملعب و ترك اللعبة و هوي مذهول و معو حق ينذهل ...
أنو صفّر الحكم لازم توقف المبارة ...لك آآآآآآخ ...و هيك لحتّى أكلنا البطاقتين الحمراوتين و انتهت المبارة مع ذهول لرئيس
النادي اللي كان بادي عليه الذهول و مدرّب الفريق لوكسمبورغو اللي صار وضعو عالمحك...


نظرة شخصية:
"لوكسمبورغو لازم يزبّط وضعو المبارة الجاي ولا بيتزحّطلو عالناعم ..المبارة ع أرضنا ولازم يجيب نتيجة ..."
راوول ما لعب كتير منيح و أغلب أوقات المبارة كان متل الجوكر ما عم يعمل شي.. الفريق عم يعمل فرص كتير بس كان اللعب الفردي
طاغي و بدون خطّة يمشو عليها متل العالم و الناس... لازم يترتّب الفريق من أول وجديد..."

الفريق يلعب بدون تكتيك واضح من المدرب مع عدم قدرة المدرب على قراءة المباراة و بالتالي تغيير التكتيك حسب سير المباراة
ومما يثبت ذلك ان تبديلاته تكرر في كل مباراة بالاضافة على الاصرار و التمسك بطريقة واحدة فاشلة للهجوم و عدم وجود تنويع للعب
و غياب واضح لعنصر المفاجئة في هجمات الفريق.

اصبح واضحا للجميع ان راؤول الان اصبح علة على الفريق فهو لا يعرف مكانه و تائه في الملعب و مستواه في هبوط مستمر


جماعة برشلونة هوس ولا حرف "أنتو خسرتو مع فريق مدريد رقم تنين "اتلتيكو مدريد" و نحنا خسرنا قدام فريق مدينة برشلونة تنين "اسبانيول"

تشكيلة الفريقين اللي لعبت الماتش:
ESPANYOL: Kameni; Jarque, Lopo, David Garc?a, Domi; Ito, Costa, Armando S?, De la Pe?a (Yagüe 90th min); Corominas (Jonathan 58th min), Luis Garc?a (Fredson 79th min).

REAL MADRID: Casillas, Salgado, Sergio Ramos, Helguera, Roberto Carlos, Pablo Garc?a (Guti 57th min), Beckham, Baptista; Ra?l, Robinho and Ronaldo.


للتذكير : مبارة الريال الجاي مع أتليتكو بلباو ...بالتوفيق ع أرضنا بالبرنابيو,.


مراسلكم لنقل جميع مباريات ريال مدريد و البرازيل:

SIMON