اقتباس:
كاتب النص الأصلي : Elephant And Castle
صرلي نص ساعة عم اكتب رد و ارجع امسح ..و ارجع اكتب من جديد ..ما بعرف شو بدي اكتب ... احسن شي اني اخرس .
و يلعن هديك الساعة .... بس .
|
يا صاحبي الواحد عن جد لسانو بينعقد بهيك قصص
تخيل انو انا وانت بهديك الفترة كنا عم ندرس جامعة, انا عضو هيئة ادارية قد الدنيا وانت طالب عادي ما الك بالسياسة و ما بتعرف الفرق اصلا بين الاخوان والبعث , انا وانت تقاتلنا على شي بنت او على مين بيجيب علامات اعلى او على اي شي, وانا دريت بالصدفة انك بتفتلك شي مرة بالاسبوع او بالشهر على الجامع بقوم بقدحك تقرير لفرع الامن اللي انا بشتغل لصالحو بيشحطوك لهنيك وتحت التعذيب بتعترف بكل شي رغم انو مانك عامل شي وما بتلاقي حالك بعد كم يوم الا صرت بتدمر
هالقصة هي تكررت مع الالاف والالاف اللي اختفوا هيك ببساطة
شغلة اخيرة , انو طيب اللي مقتنع انو هالناس بتستاهل المصير اللي واجهتو على اعتبار انو الدولة ما بتمسك حدا ظلما وعدوانا , طيب يشرحلي ليش دفنوهن بمقابر جماعية؟؟ ليش خبوا على الموضوع؟؟ وليش لهلق ما حدا بيسترجي يفتح تمو عن اللي صار
المفروض يفتخروا بالشي اللي ساووا معن ويرجعوا جثثن لاهالين ويقولولن هي اولادكن الخونة اعدمناهن وريحنا الوطن منن ماهيك؟؟؟