[باشق مجروح]

كاتب النص الأصلي : القيصر

خاخاخاخاخا....خلي أحاسيسك لحالك لأنو أظن الأرجنتين مش راح تسمح لفريق فاشل متل ألمانيا بالفوز ازا كنت بتعرف المباراة الجاية مع مين أصلا...وتونس رفعوا راسنا لولا غش الحكم...(ازا حضرتك حضرت المبارة أصلا)

أولا .: بحب أخبرك اني من أكتر الناس متابعة للمونديال وتطوراتو أكتر منك على الأقل
وطبعا شفت كل المباريات
بالنسبة للعرب والحمد لله دايما الأخطاء التحكيمية و سوء الطقس والتغذية بتتآمر ضدهن من بين كل شعوب الدنيا سبحان الله.
تونس غادرت لأنها بتستحق المغادرة والخسارة باستحقاق وهالشي واضح يا عبقري زمانك من المعطيات التالية:
أولا بعمرك يا فهيم الكرة يا متابع شفت منتخب بيلعب مباراة مابيفيدو فيها التعادل ولا الخسارة بيدخل بمهاجم واحد فقط
تونس كما قال الخبير الكروي لتونسي المعروف الزبير بيا : تونس افتقرت الى الروح القتالية وخسرت المبارة من بدايتها
أما ألمانيا حبيبي فغدا لناظره قريب ونحنا ما منستهين بالمستوى العالي للمنتخب الارجنتيني وخصوصا ميسي (بيعقد يقبش عضامي شو حلو) ورود ريغز.
وبلكي بتغلب أوكرانيا ايطاليا لأنو أوكرانيا فريق منظم وقوي والحارس شي مرعب أما ايطايا فوالله ما عجبوني أبدا ولا تنسى انو نيستا رح يتغيب عن المباراة
أما بالنسبة للانكليز حبايبك فأنا بشوف انو أملهن ضعيف في ظل الانهيار الكلي للفريق في مبارياتهن التنتين الأخيرات متل ما شفت انو بيكهام سجل بضربة ثابتة ولولاها باي باي لندن والبرتغال فريق قوي ومنظم وتأهل بجدارة وكريستيانو رونالدو (يقبش) رح يدوخ الانكليز
أما البرازيل فرغم صدمة روناليديو اللي أنا بلعب أحسن منو بهالمونديال وغياب رونالدو وحضور جاك شيراك فهي الفابزة على المفاجأة الفرنسية والله أنا شخصيا من المنذهلين من المستوى اللي قدمو مع أسبانيا وتسجيل زيدان لهدف حلو.
نتائجي المتوقعة:
ألمانيا * الأرجنتين : 2*1
أوكرانيا * ايطاليا : 1*0
أنكلترة * البرتغال : 0*2
فرنسا * البرازيل: 0*3