[sandra]

كاتب النص الأصلي : marochka

أنو صحيح هالشغلة محيرتني كتير، أنو ليش السوريين نجحو بصناعة الدراما والمسلسلات، وبالبرامج بيضلو فايتين بالحيط؟؟ حتى الممثلين اللي بينجحو كتير بالتمثيل بالبرامج بتلاقيهن تقل دم وغلاظة؟
كأنو مذيعات الأبيض والأسود كانو أحسن من هلأ، يعني آخر مذيعة بتنطسّ بتذكرا هي منى كردي

بالمجمل كنت شوف مذيعات القناة التانية أحسن من الأولى ... هالحكي من شي 10 سنين

وهلا كل ما حنيت وفتحت الفضائية السورية ... ما في شي بحسو تغير وأكتر من ربع ساعة ما بقدر ضل
معقول لهلا ما عم يعرفو يزبطو هالمذيعات ... ولا ديكور بينشاف .. ولا حتى فكرة برامج
وبالعودة لموضوع المذيعات
يعني الممثلات السوريات وهنن عم يمثلو بيطلعو عفويات أكتر من هالمذيعات
وطبعاً المذيعين مو أحسن