كان ياماكان في قديم الزمان وسالف العصر والأوان لحتى كان
كان في شجرة كبيرة ظلالها وارفة
تزقزق العصافير فوقها
وكان تحتها تنين عشاق
كبرو العشاق وفلو
وقعد مطرحهم عشاق تنين صغار
والشجرة بعدها شجرة
وجذورها ضاربة بالأرض
كمان جذور امتي ضاربة بالتاريخ
والتاريخ بدو جغرافيا
لانو التاريخ والجغرافيا من مقومات الأمة
وأمتي نائمة
ونامي ياصغيرة نامي
والصغيرة عم تلعب بالحارة
والحارة فيها حيطان
والحيطان الها ودان
وبين الودان في عيون
والعيون تبصر ولا تتبصر
والصبارة الها شوك
وشوكة الوردة نخزت اصبع الحلوة
ونزل الدم
والدم أحمر
والأحمر لون الغضب
ولاتحكم وانت غضبان
والحكم وقع ع راس المظلوم
والمظلوم ماالو حدا
وياويلي عاللي مالو حدا ومقطوع من شجرة
وقطعو الشجرة
وقطعو حديثنا
وباي