[الحاج متولي]

أحلى شباب و أحلى صبايا و الله ومتشكرين كتير على المشاركات الحلوة بس لسه في كتير كتير ما حدا كتب
إيه يعني معقول ماحدا صاير معو شي نهفة
المهم أنا رح إكتب اليوم شغلة صاريت معي من فترة حوالي شي إسبوعين نزلت على السوق علشان زوجتي وصتني أشتري إكسسوارات من الصين (كوانزو) وأبعتلها ياهن على سوريا
المهم وأنا ما شي بالسوق وعم أدخل من محل لمحل وإذ بشوف محل كل المعروض فيو إكسسوار و مجوهرات تقليدية وانا واقف عم أتفرج على المعروضات وإذ بيجي لجنبي وحدة حامل هية وزوجها عم يتفرجوا معي طلعت في الحامل وحسب خبرتي قلت هي أكيد بالشهر التاسع ما في مجال وأنا عم بتطلع فيها ضربت عيني بعينها وقلتلها (نيهاو) يعني مرحبا (وردت علي التحية (نيهاو هاو) يعني مراحب عليك وعلى يلي خلفوك ونسيت أقلكن الداعي يلي هو أنا صحة شوي يعني بالمشرمحي في شوية كرش وبعد ما ردت علي التحية عملت هيك ونفخت بطني لحتى صاريت أكبر من بطنها وقلتلها إنتي حامل بولد واحد أنا حامل بإتنين راحت المسكينة هية وزوجها فاقعين من الضحك بس ياضحكة ماكملت ماحسيت إلا المرأة إجاها الطلق وبركت على الكرسي وصاحت آآآآآآآآآآآآآآوه وعيونك ماتشوف إلا النور ركدو الناس وصاحبك الحاج متولي صار بطل العالم بالركد فريكة على البيت ......وبعد يومين رحت على المحل نفسو ا وسألت عن المرأة يلي كانت حامل شو صار معاها ...قاليتلي صاحبت المحل نقلوها على المشفى ومشي الحال....ألف ألف مبروك ...زادوا الصينين واحد
والنهفة إني رجعت على المكتب ونسيت أشتري الأغراض تاني مرة كمان أما صحي مستر ...فهيم
وإلى القاء مع نهفة تانية شنو الداعي نص حياتو نهفات بس على يلي بيتذكر
تحياتي ...الحاج متولي