اقتباس:
لا مو هيك
شكلو في سوء تفاهم بيناتنا
مجمل الموضوع انو تم طرح موضوع الصور الكاريكاتورية باخوية
طالب البعض بحذفو (و كأنو ازا حزفناه ما بيعود الو وجود بغير محلات، متل النعامة) ... فتم طرح هالموضوع تفسيرا للقضية يلي اثارت الجدل
بالتأكيد بيحقللكم تستنكروا الصور، متل ما بيحق للفاتيكان انو يستنكر كتاب شيفرة دافينشي
بيحقللكم تطالبوا بمقاطعة الجريدة مثلا متل ما طالب الفاتيكان بعدم تداول الكتاب
بس ما بيحقللكم تحرقوا السفارات، و لا بيحقللكم تطالبوا بحذف الصور من اخوية
و لمعلوماتك، نحنا ما دافعنا عن جرح مشاعركم
نحنا دافعنا عن حرية الرأي و الاعتقاد
هلأ ازا هي الشغلة بتجرح مشاعركم
منرجع لردي السابق و بطرح عليك الخيارات مجددا
و بخصوص مسبتك
انا ما سبيتك و لا سبيت حدا متل ما انت قلت
يعني متل ما قال انطون سعادة... "لا يملك المرء إلا ان يهين نفسه"
|
حبيب...مش معنى كلامي أني عم دافع عن اللي حرقوا وكسروا أوكيه
بالعكس اللي كسر وحرق خسر كل شي وما استفاد شي...خسر الوجه الحضاري اللي بيدعوا له ديننا وباقي الأديان...خسر احترام الغير لنا بتصرفات شخصية حمقاء
هي نقطة
أما الدفاع عن حرية الرأي والمعتقد...
فما بعرف إذا فيه معتقد على مر العصور أسمه معتقد سب الغير أو تجريح الغير...سمعت بهيك معتقد من قبل؟
أكيد مش معناته إذا حذفت الموضوع أنه حيختفي من العالم...متل مش معناه أنه إذا ربيت ابني وعلمته وكبرته على الأخلاق مش معناه أنه العالم كله حيطلع منيح
بس ببدأ بابني...وانت حتبدأ بابنك وهيييييك حتى يصير المجتمع ولا أروع
بيهمنا أخويتنا تكون أخلاااااااااااق...بيهمنا نعامل بعض كأخوان...شو معنى أخ إذا ما انجرح بالشي اللي انجرح فيه أخوه؟
صدقني أنا يوم بشوف واحد أو وحدة لابس صليب وعم يساووا شي غلط بنجرح لأنه انجرح الصليب...يوم اللي بشوف كاريكتور عن السيد المسيح...بتضايق
يوم اللي ماتوا الأمريكان بتفجيرات سبتمير زعلت عليهم...بس مش معناته أني برضى عن اللي ساووه بالبشر
لما بشوف هندوسي وعندي أصحاب كتير هندوس...بابتسم بوجهه وما بجرحه...مش لأني معتقد بديانته أبدا...بس لأنه بشر متلي متله...وتجريحه باسم الحرية باعتقد مش أسمه حرية ألو ألف مسمى تاني بس مو الحرية
كل اللي مطلوب نراعي مشاعر بعض...ومش معنى الحرية أنه نضرب بمشاعر بعض بعرض الحائط بمبرر الحرية...ومع أنه مش مبرر...ومش معقول نيجي نفسر الحرية على كيفنا يا صديقي
لو طلبنا بكل أدب أنه ينشال الموضوع...وكرمال خاطرنا إذا إلنا خاطر عندكم بتشيلوه؟
إلا إذا كنا حنزعل الحرية...فعطيني عنوان بيتها أنا بروح بستسمحها على مسؤوليتي
وباخدلها بوكيه ورد كمان على حسابي ولا يهمك أنت والحرية
بلييييييييز