اقتباس:
على راسي
بفهم من هالكلام، ما يلي:
انا حر اعبد يللي بدي
و انتي حرة تسبي يللي بعبدو
و انا ما بيحقللي طالبك انك تبطلي سب على اربابي
بس بيحقلي استنكر مسباتك
بناءا عليه
بيحق للرسام الدانيماركي يرسم مين ما بدو
ما بيحقللك تطالبيه انو يبطل يرسم
بس بيحقللك تنشري صورة احلى عن الموضوع المرسوم
بالنهاية موقفنا من الصور كان ماشي مع اتجاهاتك، و ما خالفها
يعني وحدة من تنتين
يا اما بتبطلوا تسبوا حدا .. بدءا بالمشركين و ليس انتهاءا ببوش و غيرو .. و هذا ما يدعى احترام المعتقدات
يا اما بتسبوا على كيفكم، و غيركم بيسب على كيفو , و هذا ما يدعى حرية رأي
بس والله انتوا تسبوا مين ما بدكم (حرية رأي) و غيركم لازم غصب عن راسو يحترم معتقداتكم.... صعبة شوي
اختاري الحب او اللا حب
فجبن ألا تختاري
لا توجد منطقة وسطى
ما بين الجنة و النار
|
يا حبيبي يا قلبي...عن جد عن جد بدي أسألك سؤال؟
مالك ملاحظ أنه ردودك عكس معنى كلامك؟
يعني عم تطالبنا ما نعترض على طريقتك...وأنت معترض على طريقتنا
عم تطالبنا نغير بمعتقداتنا...وأنت مستحيل تغير معتقداتك
عم تطالبنا نسكت عن الرسوم وما نعترض...وأنت ما سكتت يوم اعترضنا على طرحكم للرسومات بالمنتدى وعم تعارضنا
عن جد مالك حاسس أنه جملك تعاني من انفصام شخصية؟
متل ما بيحقلك تدافع عن جرح مشاعرنا بطرح الصور...خلينا نعارض طرحك للصور
مع أن أول حالة ما بتضرك ولا بتفيدك...بس بنفس الوقت بتأذينا
هلق الرسام الدنماركي بفهم أنه لما رسمها ما بيعرف نبينا شو بيعني لنا لأنه بمجتمع ثاني...وممكن حطلوا عذر أنه بيجهل الشي هاد وساواه عن غير عمد..."مع أني ما بعتقد هالشي"
بس ما بفهم منتدى سوري...بيعرف طبيعة شعبنا...بيعرف شو بيعني له هالموضوع وقديش ممكن يساوي بلبلة...وما بيجهل أبدا أن محمد صلى الله عليه وسلم أعز أنسان لدينا...ومع هادا كله ورغم أنه نزل الموضوع...فوق هاد بيدافع عن تنزيل الموضوع مع أنه ما بيستفيد شي لما بيطرحه وما بيخسر لما بيشيله وبدو يخرسنا
مش كأنه شي متعمد؟؟؟؟!!! شو القصد التجريح وبس؟ انبسطت هيك...خلاص جرحتنا ومشي الحال سكر على الموضوع...شو حتوصل أكتر من هيك يعني؟
ههههههههههههههههه بتعرف حبيب قلبي ليش سبيتك...والعذر منك ما كان هدفي سبك شخصيا
هدفي اثبتلك من ردة فعلك أن ردة فعلنا طبيعية جدا
أنا سبيتك...رجعت سبيت...لكل فعل ردة فعل مساوية له بالمقدار ومعاكسة بالإتجاه
وفوق هاد كان ردك أشنع وأستغفر الله
العذر منك على سبك بس مافي طريقة أثبتلك أن ردة فعلنا طبيعية إلا هي...أنا ما كنت متوقع ردك بالعكس كنت متأكد منه
فتأكد تماما أنه ردنا اللي شايفه وما حيكون غيره...