[handsome]

مرحبا جميعا .. وابو انمار خاصة ...
انا هاي الجملة الي عما تهددني فيا انا كاتبة وانا بأمن فيا مي بالمي .. والحكي ما بس من جهتي ولا من جهت المسيحين ولا من جهت العرب .. لانو نحنا هلق محطوطين تحت شغلة اسمة قومية عربية .. وهي ما كزب عليك اني عم اكره حالي من وراها . وقت انا بتشبه بطبعي وتصرفاتي بشخص مين ما كان ( قصدي اي واحد عربي من المشرق للمغرب مرورا بالسعودة والامارات والبنان ومصر وليبيا والجزائر والمغر وما بعرف اسا شو هني الدول العربية هادا من اول طرف والطرف التاني كل مسلمبن العالم ) وبعتقد الكل بيعرف شوهي الظروف العلمية والافكار المحشاي براس العالم ... وانا وقت حدي بيقلي اني سوري انا بفتخر بهالشي حتى ولو قلي اني سوري الكلب .. انا بجوز في كتير شغلات ما بحبا بسوريا او بالعادات والقاليد هنيك . بس انا بضل سوري ومافيني غير هالشي .. بس ماني مجبور كمان اتحمل كل مساوء العرب ومشاكلون ... وبعتقد ( علقليلي من وجهت نظري ) انو الحق معي بهالحالي ..

هلق منرجع عالتخصيص تبع بعض البلدان العربية .. انا ماني فاتلون كلون بس بحكي عن البلاد الي كاين فيون ..
وقت كنت فصعون صغير ما بفهم شي من هالدني بتزكر انو رحت عالبنان وعملنا مشكلي طويلي عريضة لانو نحنا كنا غروب سوري بحريصة .. ومن وقتا ما كتير بحب هالبلد . وخاصة بهالوقت والمشاكل زايدي بين الطرفين وانتي اعلم طبعا ..
وانا ما من زمان كنت بالسعودية .. الي عما تقولو عنا ديموقراطية وبلد الخير .. انا بغض الننظر عن الشغلات الغلط فيا هلق ( وانا لهلق بحب السعودية كتير بس كمدينة وشغلات متطورة على عكس الشعب ( بعتزر من هالحكي سلفا بس هي وجهت نظري الخاصة ومافي داعي تسأل المشرف كيف فيني احكي هيك ) والتكنلوجيا الي فيا . في شغلات بعرف انو عالم جايبينا بالسعودية ابل خمس ست تشهر وهون اسا ما وصلت .. او ما بتلتقا الا بالمحلات الخاصة جدا وباسعار اغلى بكتير من السعودية ) بس في كام حادث كمان مستحيل الواحد ينساهون ..بس الواحد مافينو يحكي شي عنون لانو بالنهاي بتضل هاي نظم البلد والي ما عجبو مانو مطر يضل فيا .. وما بعرف اذا انتو باعتباركون سعودين بتلاحظو هالشغلي ولا لاء ..
مابعرف اذا في داعي قول شواهد من عندي عن كره السعودين للاجانب بشكل عام وللمسيحين بشكل خاص .. بس في حادثتين كتير صغار رح احكيو .. في مرة كنت مسافر عالسعودية بالبر وعلى لحدود نزلت مشان ساعد بالوراق قام شافني بالصدفي الشرطي اني لابس سنسال ذهب والي بحياتي ما بفكر اي اشلحو .. قام اتطلع هيك في بنظرة كانو عم يتطلع بشي جحش ادامو وقلي شب ولابس ذهب شيلو بسرعة .. انا كنت كتير حباب وقتا وبكل بساطة فكيتو قام بالصدفة شاف الصليب الي معلق في .. قلي ولابس صليب كمان... يا جماعة الله وكيلكون انو وقت رح يشوف ابليس ما رح يصير منظرو بشع هيك .. قلي هاتو لهون وطلاع من الصالة .. انا شو فيني اعمل يعني هاددا شرطي ولازم اعمل كلشي بدو ياه عطيتو اياه حطو عندو وحط جوازاتنا على جنب وتركنا شي ساعتين منقوعين برا عم نستنا لحتى يرقف علينا ويرجعلنا الجوازات و يتكرم ويرجعلي سنسالي.. بعد اكتر من ساعتين عيطلي وقلي هادا السنسال ما بتحطو هون انتي هون بالسعودية بلد الرسول ومدري شو اسا كام شغلي عن طهارت السعودية الي بتتجنس وقت انا بكون حاطط الصليب .. هادا شرطي جمارك يعني فهمان عاساس وتفكيرو هيك ..
غير وقت منكون بالسيارة على شي شك بوينت ( نقطة تفتيش ) وبيشوفو انو معنا هاي الاقامة الحمرا ( تبعيت غير المسلمين ) و بتبلش بعدين المحاضرات .. انتو ما حرام سورين ومانكون مسلمين .. الاسلام دين الحق .. وما بيصير انتو ما تكون مسلمين .. ومن هالت والعجن الي الو اول وما الو اخر ..
هدول شغلتين كتير صغار صايرين معي غير التقليع من المولات من قبل الهيئة وقت الصلاة لما يعرفو اني مسيحي على الرغم من المول بيضل فاتح وقت الصلاة بس بيسكرو المحلات .. متل المملكة والفيصلية والعقارية و....
وليش قليلة معاملت الشعب لألنا نحنا الاجانب ... الله وكيلكون اجت فترة فكرت انو كل بلاد العالم بتعامل الاجانب هيك .. بس بعدين استنجت بس البلاد العربية مميزة بهاي الشغلة .. و وقت بكون شي واحد اميركي الله الوكيل ما بيسترجو يتطلعو بعيونو ( هلق بيبلش التكذيب بالحكي بس كل السعودين بيعرفو هالحكي انو مظبوط.. )
واسا الواحد لازم ما ينسا يزكر شو بيساو لسعودين لما بيجو يصيفو بسوريا او لبنان او الاردن .. يعني مفهوم الحكي ومافي داعي قول شي زيادي ..
هاي وقت نحنا منكون عندكون لاوم نقعد ونقبل نكوت تحت انظمتكون وقواعدكون ومعتقداتكون .. ( قصة لملاي والحجاب لحالة بتغطي عن مليون قصة ) .. و وقت انو بتجو لعما ما بتشوفو غير الوساخة والنورني ... ( لك حدي اجا من السعودية وراح على شي قلعة بسوريا .. بعرف هدول الشغلات بتملل ومافي من وراها غير الغبرا والطراب )


اخ ابو انمار انا حكيت كتير بموضوع ما لازم احكي في عن هدول الشغلات .. بس كنت عم ارجيك انو لا انتو بتحبونا ولا نحنا من حبكون .. ( بعتزر مرة تاني عن فظاظتي بس مافي كذب بهادا الموضوع .. ومرة تاني هادا رأي الشخصي اذا نزل سبحانهو وتعالى قلي انو لاء هدول شعب مرتب وقوادم ما رح اقتنع ومرة تاني هادا منطقي الشخصي وما بعتقد لا المشرف ولا انتي فينك تغير براسي .. فينك تغير بمشاركتي بس مافيك تغير بتفكيري .. بجوز في ما كل الشعب هيك وهدول بس حالات خاصة .. بس معناتا انا لهلق اسا ما شفت حدي متل الخلق والعالم .. وبعتقد صعب شوف ) و انا قصدي من الموضوع انكون انتو هلق هون قاعدين عنا باخوية ..( انا لاني صاحبة لاخوية ولا مشرف ولا اداري ولا من يحزنون .. انا اخ سوري ) فبرجع الك مرة تاني نفس الحكي ... انا ما غلطت معك بولا كلمي ولا حكيت ولا شغلي عاطلي عنك ولا عن اي واحد خليجي لانو خليجي .. وانا كنت مفكر انو المنبر الحر الو صحابو وانا ماني قدو بس بيعجبني الحكي الي في .. بس هالمرة حسيت انو سيرتي نجابت فحبيت وضح وجهت نظري ومشان ما تقول اني عم احكي شي ما بعرف شي عنو ...زانا متل ما انتي قريتي انا ماحددت لا لسعودية ولا الخليج .. انا قلت كل اعضاء من بعض الدول العربية المجاورة .. بس مافي غيرك حبكت معو .. يا اخي ليش مازعل مني المصري او البناني ..

واخ ابو انمار مرة تاني بعطيك كام مقارنة صغيري.. نحطت صور للرياض انا طلبت لحالي صور لوزارة الداخلية وطلبتا لانو بعرف انا حلوي .. وانا كنت عم احكي بكل ادب وزوق.. بس بنفس الوقت عذرا سلفا من هادا الشي الي اسمو \\\ انا هادا بعتبرو كلشي ما عدا انو انسان بقوة العقلية ( ومن هلق بقلك ابو تلت شحطاطت لا ترد علي لانو اذا رديت ما رح ارجع رد علك ومافي داعي تكتبلي عباراتك المعروفة وصلت سلفا ) هلق هيك شخص شو بتتعود يردو عله الاخوة .. كتب ببريد المنتدا الف مرة انو منتدا الصعاليك وما حدا عبرو اول الشي .. شة متوقع انو السورين رح يحبو هيك شخص .. يا اخي بعرف انكون متدايقن من الحكي عن السعودية . بس كمان ما ببلش بالحكي بالعاطل عنون بعنوان سوريا الحقيرا يعني ما بعرف شو بيصير اذا انا حكيت نفس الشي بشي منتدا خليجي .. ياخي بدقيقة بتطلع سوريا اخرا بلد بالعالم .. بس وقت بينحط بموقع سوري .. يعني كانو واحد حابب يبهدل حالو .. حسب المتل القائل .. قاعد بحضنا وعم ينتف بدقنا .. يا اخي ما كانت الفكرة منطقية بنوب ..
و ياخي ابو انمار انشالله تكون وصلتك فكرتي مع اني حاسس حالي هلق حاكي حكي كتير .. وشغلات كتير مشربكي وفايت بعضا ببعض .. بس بدك تعذرني مرة مدري اديش .. انا لاني كاتب ولا ناقد ولا شي .. انا هاي فكرتي الشخصية وعبرت عنا بطريقة او بأخرا .. اهم الشي انو توصلك فكرتي .. وتاني الشي اذا ما عجبك الحكي .. متل ما قلت من ابل وجهت نظري الشخصيو زما بتعبر بولا طريقة ما عن رأي المنبر الحر بشكل خاص ولا اخوية بشكل عام .. يعني هادا مخي هيك الله عاطيني اياه .. وانشالهه ماكون دايقت حدي ..
ومرة تاني بقلك انا لو ما كنت مقرب على طرفي انا ما كنت قربت عليك .. وهلق اذا ما صار رد لقلي انا ما رح رد مرة تاني حتى لو كان عندي شي ضيفو لانو ما كتير بفضل ادخل بعلقات المنبر ..
وااله يعطي العافي لكل الي وصلو بالقراي لهون .. لانو انا حاسس حالي مليت من الحكي الي كاتبو .. بس ابو انمار ما بيزعل من حرية التعبير ..

ةهاي احلى سمايل ابو وردة دبلاني ( عقولت ابو النسبم ) لاحلى اخوية