[الموسيقار]

الحلقة السالسة ..

الموكامبو ..

الساعة الواحد والسلس .. ظهرا ً .. قرب مدرسة نابلس السانوية (للبنات)

والصرفة .. في أوجها ... والدنيا ع بتمـــطّر صبايا ..


بكري العفش ع بيفتل بسيارتو السكودا المشدرة .. حيطط نضارات أم الخمسين ورأة .. اشتراها بالصدفة من عبارة السيديات بالجميلية ..

وفيتح الشبابيكـ .. وحيطط غنية التايتانيكـ ( ماي هارت ويل غو أون ) منشان الصبايا الكويسة يعرفوه مـصــــئّف .

والبفلات تبعوت سيارتو ع بيكفروا .. لأنهن شغل باب جنين .. بـ ميتين وخمسين ليرة ..

هلأ السيارة مي سيارتو هو مستعيرا من الأنتيم تبعو (زكور قضيماتي) .. :

في هازه الأسناء بيعدي ابن المنصور بسيارتو المرسيدس الحمرا .. وابن الديري بسيارتو المرسيدس البيضا ع بيتسابقوا ومن عزم السرعة تبعيت الشباب .. بيطيروا شعراتو لبكري .. وبتتطاير القشرة وفتافيت الـ GEL اللي حاططو بـ منظر رومنسي مـــــزهل !!

السيارات حواليه متل الكزب .. أشي المرسيدس تبعيت ناديا الرئيس .. وأشي المازدا زوم سيكس تبعيت ريم وتار .. وأشي المورانو تبعيب ابن اللبابيدي .. وأشي الـبي أم تي تي تبعيت ابن الآغا ..

والشب مفكر حالو ظاظا .. لأنو مو شايف حالو كيف شكلو بقلب السيارة من برا ..

المهم بي عز صفنتو بيسمع ظمووور ع بيجعر وراه .. بيصحا .. وبيقول في حالو (أجت الرزقة)

بس للأسف بتطلع الأوميغا تبعيت شرطة المرور .. ع بتخالفو

قال إيش ؟؟ (دوران متكرر)

طبعن الشرطة بتعرف كل شي راكب سيارة من ولاد الزوات الا هو .. لأنو مبين ضرب براني .

وبياكل مخالفة ألف وخمسمية المسكين .



ديار مي دياركـ .. بتقل مقداركـ يا بكري ..



ودمتم .