اقتباس:
كاتب النص الأصلي : lolo510
كتير منا اذا ما كنا كلنا صبايا وشباب عن نمر او مرينا بمرحلة حب يمكن تكون عالخفيف ويمكن تكون عنيفة لدرجة تحرق كل يللي بدو يوأف بطريقا
ولمن الانسان بيحب بيتمنى ما يبعد عن حبيبه ولو شوي ومن هون بينطرح السؤال ع الشب : متى ستأتي طالبا يدي ؟؟؟
ردود الشباب بتختلف من واحد لواحد اما لاسباب مادية او عبثية او غيرا ، هون بنا ناقش هالموضوع من جهة :
1) ليش الصبية بتوصل لمرحلة تسأل الشب هالسؤال ؟
2) وليش الشب في معظم الاحيان بيتهرب من هالموضوع ؟
3) وشو هي الطريقة يللي لازم تتوج هالعلائة وهالحب بيناتن ؟
4) وليش بعد هالموضوع تنيناتن بيفترقو عن بعضن ؟
|
1- لأنو مطنش وهابلا وما عم يفهم لا بالتلميح ولا بتسبيل العيون، أو عم يعمل حالو مو فاهم، بس أنو هي حوبة كمان، يعني إذا بدّا تكون مضطرة تسألو هيك سؤال لازم تكون عارفة أنو هو منو لحالو مارح يجي، واللي ما بدو يجي لحالو ما رح يجي بعزيمة.
2- بيتهرب لأنو صاححلو يتهرب وهي بعدا لاحقتو، يعني بيمط شوي الفترة اللي بتسبق أنها تتركو لما تتأكد أنو مطنش
3- ما في طريقة وحدة، المهم أنو يكونو متفقين على نفس الطريقة مو كل واحدة عم يخطط عطريقتو
4- لأنو من الأصل كل واحد منن عم يدور على شي مختلف عن التاني، يعني هي عم تدور على عريس، وهو عم يدور على عواطف مؤقتة لبين ما يصير بيقدر يتجوز
والحق عالتنين يعني هي بالأول بتبينلو أنو هي مو مهتمة بموضوع الجواز وما بتجيب سيرتو إلا لتعلقو عالآخر، وهو ما بيفهما من الأول انو هو مو خرج جواز هلأ، لو بيعملو هيك من الأول لا كانو وصلو لالهل السؤال ولا لهيك أجوبة