[VivaSyria]

ماكنت حابب حول الموضوع لهالطريق هاد وموضوعي أبداً مانو انتقاص من الأديان أو دعوة لهدم الأديان أو نقاش بالأديان ونشأتها وبدايتها وتاريخها بس يبدو في إصرار من البعض لإنو يناقش بشي أبداً مانو مطروح للنقاش بموضوعي... على كل حال مجبور جاوب:

مابعرف مطلوب مني إنو إثبت إنو الديانات السماوية المجمع عليها غالبية البشر هي تلاتع ويلي هي اليهودية والمسيحية والإسلام... كيف بدي إثبت مابعرف متل ماصار معي سابقاً بإني ماعرفت كيف بدي إثبت إنو أوروبا وأسيا أميركا سابقين العرب بالتطور والإنتاج والرقي الإجتماعي بمراحل.... المهم:

كاتب النص الأصلي : asakli

اولا :
شوف اسا اذا بتقصد بالديانات السماوية بمعنى الديانات الي بتدعي لعبادة الله فبدي اقولك انو في ديانات اقدم من هيك والديانات بديت مع خلق الانسان...فالامور من الاول ماشية هيك !

فيني أعرف شو الديانات السماوية يلي سبقت اليهودية؟؟ ومتل مابتعرفي أكيد إنو الديانة السماوية إلها أركان ( رسول وكتاب سماوي ورسالة و و و و).. بغض النظر عن إقتناعنا من عدمه بس ياريت تحطيلنا كم دين سماوي سبق اليهودي مشان نعرف نتناقش...

هون هذا رأيك انت بشو هدف الاديان وانا بشوف انو هدفها غير هيك وبديش اسا افوت على هيك اشيا احسن ما نتطلع بفتنة طائفية ...

طيب ياعيني شو رأيك تكون مشاركتك بتحتوي على أفكار أو رد... يعني وقت تقوليلي إنو إنتي بتشوفي هدف الدين غير تنظيم العلاقات الإجتماعية بين البشر والنهوض بالمستوى الإجتماعي والفكري والثقافي والإنساني والأخلاقي بين البشر وتنظيم علاقة الناس ببعض وبالخالق... يعني يفضل تقوليلي شو هدف الأديان برأيك مشان أعرف ناقشك...

طيب بدي اسالك اشي ... انت بتعرف كل الديانات الي في العالم الي بتدعي لعبادة الله ؟؟ بتعرف كل الانبياء الي في العالم ؟؟في كثير من الديانات عم بتبعو مبدأ التقية ومخبين ديانتهن الاصلية يعني صعب تعرف كل هي الديانات واذا في عندهن انبياء بسويسرا او ما بعرف وين ..

في فرق بين الديانة والمذهب وإذا قصدك إنو في ديانات كاملة يعني دين ورسالة ورسول وكتاب ياريت تقوليلي أسماء مشان نقاشنا يكون موضوعي ومو كلام عام وفضفاض... طبعاً أكيد مستثنين نحن الديانات البوذية والهندوسية والسيخية وماشابه على إعتبار أنها لاتحمل مقومات الأديان السماوية التوحيدية يلي نحنا عم نحكي عنها...والسبب التاني لإستثنائها إنو شعوبنا العربية لاتعتنق هذه الأديان وحديثنا هون محصور عن الشعوب العربية وأسباب نخلفها وتراجعها... فـ إذا عندك ديانات سماوية بتعتنقها الشعوب العربية غير يلي أنا ذاكرها ( أديان سماوية كاملة وليس مذاهب أو طوائف من أحد هالأديان) ياريت تقوليلنا ياها...

هني مش عايشين بدون رسل ولا بدون كتب ومذاهب الاغلبية هناك تابعين للدين المسيحي والرسول تبعهم هو السيد المسيح وكتابهم هو الانجيل صحيح الاغلبية علمانية بس هذا بيعنيش انهن عايشين بدون اهتمام بالدين

مين قال إنو هنن عايشين بدون أديان؟ مين قال انو أوروبا وأميركا وأسيا وغيرهم عايشين بدون أديان؟؟ يعني والله ذاكر بالموضوع وبالردود عشر مرات إنو الجماعه عارفين يعيشوا دياناتون صح وعارفين شو هدف الدين وشو يعني فصل الحياة والإنتاج عن الأديان والتعصب والتطرف... فـ ياريت ترجعي تقري الأفكار الواردة بالموضوع والردود.

وشكراً.