وشم الجمال
لما يكون في موقف انت مظلوم فيه واذا حكيت الحقيقة رح يتعرض والدكـ لمساءلة قانونية ...شو رح تساوي؟؟؟يعني تنظلم وابوك يسلم والا تحكي الحقيقة وابوك يتعاقب؟؟؟
ما بعرف .. الشغلة بتوقف عالموقف ..
بس اذا انا او البابا .. وهوي كان عرفان انو هالشي الي ساوا خطأ ومع هيك عملو سابق اصرار وترصد .. فبعتقد اني رح قول الحقيقة
بتحب تتبرع بأعضاءك بعد ما تموت؟
ما بعرف اسا ما فكرت بالموضوع ولا مرة ... بس نظريا مافي شي يمنع بنوب
شو معنى العطاء بالنسبة الك؟؟؟وشو رح يكون عطاءك للبنت يللي رح تحبها؟؟؟
العطاء هوي بيكون لما الواحد معو 100 ليرة وبيعطي منا 90 بس مشان يساعد حدي بقضية ما ...
ما بعتقد انو فيني اعطي اكتر من حالي
البلد او الوطن شو اساسياتو بالنسبة الك؟؟؟ هل الغنى في الغربة وطن؟؟؟؟
البلد هوي المحل الي بيفكر في الواحد لما بيفتح عيونو من النوم...ولما بيقدر يمشي بطرقاتو وهوي مغمض عيونو . وبيقدر يعرف كل شغلة صغيري وكبيري فيه.. وبيتزكر كل وقعة وكل خناقة صارت معو وهوي صغير...
الوطن هوي الشي الي بيفتخر في الواحد لما بيسألك حدي انت منين؟ والمحل الي بيحلم الواحد انو يقضي فيه احلى ساعات حياتو .. ولما بيكون مبسوط اخر بسط بالغربة .. يكون بنفس الوقت عما يحن ليتخانق مع موظف الجوازات بالمطار
لو الواحد صار رئيس بشي محل بالغربة بس مستحيل يحس انو صارت هاي الغربة وطنو ... الوطن شعور مافينو الواحد يتحكم فيه .. وما بيتأثر بالوقت
الدراسة بتعتبرها اساس للإنسان ليحظى بتقديرك؟
شي مهم, بس ما الاهم.. فيني أدر مزبوط انو في كتير عالم ما قدرت تجية فرصة انا تتعلم مع انو عندا امكانيات كتير كويسي .. وفي احتمال تكون اكوس من امكانيات كتير عالم عما يدرسوا ...
انسان بتعزو كتير اكتشفت انو بيكزب عليك هل في مكان للمسامحة بقلبك؟؟؟يعني التمس لاخيك سبعين عذرا وين مكانها بحياتك؟؟؟
عالشفة من فوق .. عطول بالتمس العزر للعالم حتى لو كنت واثق انو عما يكذبوا .. بس متل ما قلتي .. بالتمس لاخي عذر .. وبس تزيد الشغلة عن حدا بحاول وصلو الفكرة للزلمة انو ياباشا انا ماني اجدب !!!!
القناعات شي اساسي بحياة اي انسان متل المبادئ شو القناعة يللي عندك وما بتتصور تغيرها؟؟؟
في كتير شغلات بقتنع فيا .. وفي عندي نسبيا كتير قناعات .. اوقات بيكون الى معنى واوقات بس انو هيك .. لاني انا هيك ما رح ساوي هالشي ... مع انو يكون مافي شي غلط بالموضوع!
بس مع هيك مافيني عدد قناعاتي .. لانو هيك شغلات بتطلع بالموقف, ما بتنكتب عالورق
خلص رح ريحك بكفي ويعطيك العافية ويسلمو على مدحك لاسئلتي
هلق طالعة موضة تمسيح الجوخ هون ومنتشر سيطة كتير .. بس صدقيني ما بكون عما مسح جوخ لما بقلك انو اسألتك كتير حلوين وفيون شي كتير مميز
شكرا الك مرة تاني عاسألتك الرائعين...
فرصة سعيدة
انا لست على هذا العالم كي اكون كما يردني الغير ان اكون
العلم يخبرني انه لابد من وجود الله
عقلي يخبرني اني لن استطيع فهم هذا الالله
وقلبي يخبرني انه لا داعي لكي افهمه
We ask the Syrian government to stop banning Akhawia
|