اقتباس:
كاتب النص الأصلي : Nay
زين انو انا بعرف انو الاسماعيلية قسمين بسوريا.. قسم منون أقرب للشيعة يعني بيتحبو وبيصومو وبيصلو..
وقسم التابعين للاغا خان وهن منفتحين اكتر بنظري ويمكن هدول اللي انت عم تحكي عنون وسمعت انو الاغا خان الحالي ازال صفة التقديس عنو وانو الغى كل العبادات ودعا لعلاقة روحية اكثر رقيا من العبدات المادية"الصلاة والصيام...."
شومدى صحة معلوماتي .. بتمنى حدا يجاوب
|
بظن حسب معلوماتي القليلة بهالخصوص انو هالحكي صحيح نوعا ما, القسم الاول اللي ذكرتي عايشين ب مصياف والقدموس و بعض القرى اللي بهديك المنطقة, وهني اللي بسمون الاسماعيلية النزارية و عددن ما بيتجاوز عشرات الالاف وهدول بيعتقدوا انو اخر امام الن اختفى من شي 150 سنة وبالتالي هني بيؤمنوا انو رح يرجع يظهر, تقاليدن وعاداتن قريبة فعلا للشيعة الاثنا عشرية
والقسم التاني هو اللي موجود ب سلمية وهني االي بيعتبرو الاغا خان امامن وهني اكتر عددا
هلق شو بيعتقدوا هي شغلة مشربكة, وانا بشوف انو مو الغلط بشو بيعتقدوا لانو بالنهاية كل واحد حر يعتقد اللي بدو ياه, بس الغلط برايي هي قضية الباطنية اللي توارثوها عبر اجيال واللي بتخلي معتقداتن مادة دسمة للاشاعات و الحكي الفاضي متل شغلة عبادة الفرج وغيرها.