تحياتي للجميع بأول تقرير بعد الإنقطاع الطويل ...
مبارة الريال * مايوركا
مبارة رائعة ونتيجة أحلى ..ترابط بالخطوط ...قوة دفاع قوة هجوم ..وسط متمكن ..شي رائع بالفعل.
يعني الريال اليوم بدّع..
من البداية و ضغط الريال واضح المعالم ...فرص خطيرة تسديدات من كل اللعيبة : كارلوس ..رونالدو..
و ما طلعلو حس لفريق مايوركا طول المبارة "ظهرت كاسة المتة بالقرب من عارضة كاسياس ههههههههههه"
و كان افتتاح التسجيل من أبو الروند رونالدوبتسديدة ولا أروع عن يمين الحارس بالدقيقة "32
استمر الضغط الريالي و ظهر من اللعيبة بيكهام و رونالدو باتيستا و الكل كانو مبدعين بهالمبارة..
بآخر الشوط الأول لعب بيكهام "ملك الضربات الثابتة" ضربة ركنية ولا أروع لخارج منطقة الجزاء إلى كارلوس
النمر على الطاير عن يسار الحارس المايوركي هدف لايرد للمدفعجي كارلوس..
لينتهي الشوط الأول بتقدم مريح لأصحاب الأرض 2-0
بالشوط التاني كانو الرياليين عم يبحثو عن الأهداف من البداية وكانت الفرص متل النار و كانت الأخطاء عم تتزايد
والبطاقات ترفع بكل الألوان ....حيث أحد اللاعبين المايوركيين صفع بيكهام و بيكهام زت حالو عالأرض
مثّل شوي فيها بس مشي الحال و أكل اللاعب المايوركي الحمرا و طلع متل الكلب....حدا بيصفع بيكهام انشالله
تنكسر إيدو...
بالدقيقة 60 من المبارة دخل ابو الزوز زيدان العائد من اصابة بعد مبارة ايرلندا المشؤمة..و بدت لمساتو و تحويلاتو
الرائعة بكل طابة لمسها...
بالدقيقة 65 من عمر المبارة تعرّض أبو الروند المبدع لعرقلة خارج منطقة الجزاء بالمحل اللي بيحبوه بيكهام و
كارلوس المدفعجي ..بيشوط كارلوس و شو هالمدفعية يا كارلوس لك شو عم تعمل..؟؟؟!!!!!!
صاروخ ما شافو الحارس و سكن الشباك لتكون النتيجة 3-0 و بعدها فات روبينيو و جوناثان وود غيت عالمبارة
و كمان كانو مبدعين بالمبارة ..و تعرّض روبينيو للكتير من التكسير بالمبارة ومنيح اللي ما انصاب...
بعد الجول بلّشت التسلاية و الفنيات و الإمتاع المدريدي...يا سلام عالباصات و عالسرافيس و عالتكاسي....!!!
هههههههه يعني شي بيفرفح القلب لعب واثق و حلو و شي فاخر عالآخر..
بالدقيقة 77 تعرّض أبو الروب لعرقلة أكل عليها اللاعب المايوركي بطاقة صفرا ... بينفّذ الضربة بيكهام المتألق
بهالمبارة وبالمباريات السابقة عالجول و بيلمسها باتيستا البرازيلي و بيختم المهرجان السامباوي المدريدي
برباعية ولا أروع....
الأهداف فيديو مانزلو معي مدري ليش:
http://laliga.abu-jassim.com/wek6/Re...0_Mallorca.wmv
http://laliga.abu-jassim.com/wek6/Re...0_Mallorca.wmv
http://laliga.abu-jassim.com/wek6/Re...0_Mallorca.wmv
http://laliga.abu-jassim.com/wek6/Re...0_Mallorca.wmv
زورونا ...
www.TKHOOMA.Net
When you look at her Eyes .. & she's looking back in your's
you feel stronger & weaker at the same time..
the truth is.. you don't know what you feel..