الصراحة فيني قول معك حق
ومامعك حق
اولا لأنو شخصية الأباء مختلفة في منهم إلي ممكن يستوعب أنو بنتو حابة
ومنهم إلي بيشوف البنت أصغر من أنو تفهم أنو هاد حب ...(يعني بيفكر أنو بنتو حابة واحد عم يتسلى وهو لازم يبعدها عنو)
وبالنسبة للتشاؤم من ولادة البنت و الفرح لولادة الصبي كلنا منعرف أنو هاد شي حرام
وقبل كان موجود بس هلق ماعاد موجود لأنو أباء هاد العصر صارو أوعا من أباء العصر الماضي
وهيك منكون طلعنا من صلب الموضوع
برأيي أنو عقدة اوديب موجودة وبتختفي مع الوقت بمساعدة الأهل
بعدين شي طبيعي أنو الشب أو البنت يدورو على صفات مشترة بين أهلهم و الشريك بالمستقبل
مشان يحافظو عالأستقرار إلي كان ببيت أهلهم وينقلوه لبيت الزوجية
بس كمان في ناس ممكن بيميلو للجنس المماثل أي البنت بتميل لأمها أكتر من أبوها
لأنو ممكن بتعاملها بنضج متل ماقال أبو الشباب أو أم البنات
يلي هو
وطبعا هادا لأنو الأنسان هو وصغير بيحب يكبر بسرعو ولما يكبر بيتمنى يرجع صغير
رجعنا طلعنا من الموضوع
بتوقع فهمتو علي مو؟؟
شكرا الموضوع كتير حلو و مفيد