[simsima57]

بيجوز الموضوع ما يعنيلكن كتير .....

بس انا حابي اشكر كل الي ساعدو وشاركو بتاسيس هالمنتدى ابتداء بالمؤسس الاول مرورا بالمنسق , المشرف , الزعيم , المستشار , الاعضاء قبضاي , لهلوب , و شبه عضو , و اخ حرك , واخ طازة ( بس ما كون نسيت حدا )

ليش بدي اشكرون لاني من تاريخ انضمامي للاخوية , 30 نيسان , لليوم عيشتوني احلى 38 يوم ئضيتون وانا بعيدة عن سوريا. وبعد كم يوم رح يصير مطرحي ب حمص انشالله
اغنية " انا سوري اه يا نيالي " هي كانت سبب اشتراكي بالمنتدى , فشكرا للي نزلها لانو هوي الي خلاني اعرف عن الاخوية ...

بدي اشكر كل الاخوة الي اثروا في , يمكن ما صار كتير مجال انكن تعرفوني او تلاحظو وجودي بالمنتدى بس من خلال متابعتي الكن تركتو انطباع كتير رائع عندي

رح ابدا ب شكرا لبحر , حسيت انك اختي دون ما اتعرف عليك ( انشالله الايام تجمعنا )
موجة البحر , رايئة و بيتجنن متل روعة البحر
ساندرا , انسانة كتير واعية و مثقفة و من الي بتمنى يكونو رفئاتي
وشم الجمال , لكل كلمة حلوة كتبتها
القلب الدافئ , لكل الاحساس الرائع الي موجود فيه وانشالله ما تنحرم من الحب الي بتتمناه
ابو ريتا , ما بتخيل حدا بيشوف مشاركاتو وما بيحبون ( سمايلي ابو ريتا )
مالك الحلبي , لكل التفويتات بالحيط الي حطنا فيها
غابرييل , لكل المعلومات الي عندو وبيهديك اغنية كارول سماحة / منصور الرحباني " انت مين انا ما بسال "
Souriana , لتوقيعو الي بآمن في
Government و يمان , لانو حسسوني وانا عم تابع معون الاخبار الرياضية كاني بنص حمص وطالعة من الملعب وعم شجع مع اخواتي
مايسترو , لانو عنجد مايسترو
حلبي , الكفة الي بتوازن الاخوية
عطر سوريا وكريم , اخواتي
و اكيد لماغنوم , على كل شيء
ولكل الي ناداني سمسمة , سمسم , ... حسيت انكون رفئاتي بدون ما اعرفكن

انشالله كلمة شكرا تعطيكن حئكن