[Government]

كاتب النص الأصلي : باشق مجروح

ولي حسون عم ينقلى جاوب لقلك
1- أسئلة عامة:
شو رايك بالشام؟ عاصمة الجمهورة العربية السورية وبلد روعة كتير وبتجنن .. وشام ياشام .. وبضل العاصمة والعين ماتبعلى عن الحاجب صراحة ( مع انو حلب كان لازم تكون العاصمة بس شو بدنا نعمل صار اللي صار ) وكتير بحب الشام وبحب طبيعتا ..

هل الحلبية بخلا ولا لأ بصراحة شديدة؟ ممممممم شوف لقلك بصراحة الواحد يحكي اللي الو واللي عليه الحلبية فين هالعادة نوعا ما وفي مننا كتير جاردين وكحتات .. وانا بعاني من هالشغلة من بعض الحلبية لاد بلدو .. الواحد يحكي الصراحة
ليش بيقولو عنكون جرادين ؟ جاردين مو معنى جردون على ما اظن بتي بمعنى البخل او هيك .. بس ماحدا بسترجي يقول عني او عن حلبي تاني جردون
شو مشان اسمك باخوية وشو قصتو؟ والله اسمي بيني وبينك ماكتير بحبو .. بس انو اخترتو هيك بلحظة تسرع .. يعني لما جيت ع حقل الاسم باخوية كنت مستعجل فبالصدفة خطر ببالي وسميتو هيك ع السريع ورشطحت معنا وبتمنى غيرو بس ان ومابعرف
بتحب الحكومة والسيد الرئيس؟ ممممم بدك الصراحة اي .. في كتير سلبيات بالقصة بس انو بحبن .. صدقني مو من باب المكولكة او شي متل مارح تفكر بعض الناس .. بس انو عنجد انا بحبو .. اكيد بكره بعض الناس بس انو الرئيس بحبو بحسو شخص طيب .. بس الناس اللي تحتو هنن ماكتير متعاونين .. بحسو شخص طيب وبيدخل ع القلب .. لزلك يعني بحبو انا ومالي عليه شي و.. وبحترمو لابعد الحدود .. لانو بضلو قائد الوطن شو ماصار يصير ..
..................
2- أسئلة خاصة:
شو بتعنيلك بلدك وعيلتك؟ بلدي اولا ,, وبصراحة عندي البلد شي مقدس كتير وماكتير بحب اللي بيجيب سيرتو بالعاطل .. وعلقانين قتيلات كتير مشان هالشغلة .. لانو بحس البلد شي سامي كتير .. ومتل الشرف .. وعيلتي كمان غلن غاليين علي مع انو علاقتي معن تعبانة بالفترة الاخيرة ,.. بس وقت الجد انا مابدلن بكنوز الدني
هل انت مرتبط عاطفيا؟ وكيف؟ لا ابدا ابدا ..
شو سر المشاكل بينك وبين أبوك؟ مابعرف اخي انا نوعا ما شوي بحب الي ارييحية بالحياة وعندي الحرية شي مهم كتير واساسي .. يعني شغلاتي مابحب حدا يدخل فيا وتصرفاتي او مابحب الشغلات اللي بتنفرض علي فرض بالمرة.. وبصراحة ابوي عندو شوية مشاكل من هالناحية ..بعدين تاعا لقلك انت شو عرفك انو في مشاكل بيني وبين ابوي
ايمتى بترجع بتزور سوريا؟ كل صيفية ازا الله راد
مين أكتر شخص قريب عليك؟ رفيقي
....................
3-ليش:
بتحب صدام ؟؟ اي عمي اب عداي ..الله يرحمو ويجعل مثواه الجنة قائد عظيم .. عاش بطل ومات بطل
بتحب الاتحاد؟؟ شو رأيك .. الروح اهلي .. والدم اهلي ..والقلب عبينبض اهلي
متعصب؟؟ من اي ناحية بالزبط
بتحب أخوبة؟؟ اي كتير اخوية بيتي التاني .. وكل اللي فيا اخواتي
بتكرهني؟؟ له يازلمة ليش اكرهك ولو مابكره حدا انا وحياتك .. فليش بدي اكرهك الك حبيبووو لحبيبنا انت

4- رتب حسب التفضيل:
الشاورما * الشيش * الفلافل * المشاوي؟ الشاورما - الشيش - المشاوي - الفلافل
امك * أبوك * أخوتك * أصدقائك * حبيبتك ؟ اول الشي حبيبة ماعندي فبدنا نشيل هالخيار وبصفا
امي -ابوي - اخوي - رفقاتي

فــاصل ونواصل