اقتباس:
كاتب النص الأصلي : فاوست
اقتباس:
|
عفكرة مبين أنك بكداشي "شيوعي" من ألفاظك،بالنسبة لموضوع أنك مهدد ورح تعتقل وانك زرت الشباب مية مرة بس ما فكرت تهرب من البلد يا قبضاي ويا أيها الرجل الحامل الأفكار الثورية بفهم انك عم تعيرني لأني تركت البلد
|
شفت انو غوغائية انا ابعد واحد عن بكداش وعن نهج الجبهة الوطنية اللي هو فيها ...
اقتباس:
|
أنا بقلك ياها وما بستحي منها انا تركت البلد لانو صرت أمام خيارين يا أما بدي أعتقل يا اما بدي كون متعاون مع قوات الإحتلال الأسدي،بالطبع أنا فضلت السفر لأني مابيع كرامتي لحدا ولابتخلى عن مبادئي أبداً وبشوف حالي أني يوم كون برا السجن أفضل من جواتو بس يا أخي أنت قبضاي وفايت شي مية مرة على حسب قولك على السجن فتعودت على السجون بس نحن مو خرج سجون طنطات أنت كبير
|
انا ما عم احكي رجولة او زلومية او عم اعرض عضلات بالنهاية عم قلو شغلة انو ما كان بدي حضرتك تطرقني وحدة من هيدول اللي حفظناهن تبعوت عميل للنظام لإنو مشان الله طالما لساتنا عم نتهم اي شخص بيوقف مع النظام بالعميل رح يضل يتهمنا بالخونة . معادلة مو صعبة بالمرة
" عجبتني هيدي قوات الإحتلال الأسدي توضح عن وسع افق...
اقتباس:
|
لا لسا بدك بعد شوي لتصير عميل أو مخابرات
|
شفت لسا ما حكينا شي ضربتني وحدة من هيدول تبعوت العمالة
اقتباس:
|
مقعدك بالمعارضة الهيئة مو خشب زان، لهيك بتعطيني ياه ببلاش مو!!!؟
|
سيدي لاحظ اني قلتلك انو اذا كان ف... ولساتني عند كلمتي بس لا تجتزا ... بتعرف شو قصدي .
اقتباس:
على كل أنا ما بحب كرر حالي،انا خبرتك أنو فريد الغادري يوم صار تواصل بينو وبين ماهر على النت(طبعاً وفقاً لكريم)فريد ما كان ظاهر لإلنا بهالدرجة من السوء يعني لاكان طالب تغير النظام بقوة عسكرية ولاكان زاير إسرائيل
وخبرتك انو في عالم صرحوا انن بحزب الغادري وهنن بسوريا وماصار عليهن شي أبداً
|
اوووووووووووووووووووف قوي هالتصريح من جنابك ....
اقتباس:
هي إذا أفترضنا جدلاً أنو في تواصل بين الشباب والغادري مع اني ما بعتقد هيك بكوني على معرفة بحسام
بعدين يا صديقي هي بشار كان صديق جنبلاط الشخصي شو رأيك نحاسب بشار بسبب ما يفعله جنبلاط حالياً بكونه ليس على معرفة بجنبلاط وحسب لا بل كان صديق له.
|
هلأ ما رح نبطل هالشغلة الدفاع عن طرف بكون بنقض الطرف الاخر ليش حدا قلك انو انا من جماعة بالروح بالدم ؟
اقتباس:
|
فإذن برجع بقول في حال كانوا الشباب على تواصل مع الغادري عنجد فما فينا نحاسبهن على مواقف الغادري الحالية،بعدين أنت ليش عم تلف وتدور ما لشباب "تحاكموا" ومشي الحال وهلق بصيدنايا.فحكيك هادا سمحلي قلك حكي فاضي جداً
|
شكرا كتير إلك
اقتباس:
|
صدقني لو كانوا الشباب عملاء للموساد لما كان حدا أعتقلن لأنو وبكل بساطة عميل الموساد هو عميل لأجهزة أمن الإحتلال الأسدي لحالك فهمها يعني
|
مشان الله يا صاحبي زهقت تخوين ..
اقتباس:
|
يعني رح أفرض أنو الشباب لازم يتحاكموا بتصدق أنت أنو الإحتلال الأسدي بيسمح بمحاكمة عادلة أو مستقلة لك بتعرف أنو الشباب ضلوا 6 أشهر بالفروعة ا وعلى تعذيب وأنو ضلوا سنة لشافو أهلن وكانوا ممنوعين من التواصل مع محامينن
|
يا عيني عليك هون وصلنا لمربط الفرس افرض معي انو لازم ينعرضوا على محاكمة وبدل ما نضل نطالب بغوغائيات خلينا نطالب بمحاكمة عادلة وبالمجمل بنزاهة القانون السوري
اقتباس:
|
بالنسبة لبرات البلد رح خبرك شغلة انا سافرت كتير كتير من قبل بس بحياتي ما فكرت أني أبقى بأي بلد من البلدان يلي سافرت عليها بس لما طفح الكيل متل ما خبرتك فضلت البقاء في الخارج لأنو فيني قدم شي وأنا برا بالخارج أحسن ما كون جوا وبالسجن
|
انا ما قصدت التجريح لما حكيت عن اللي سافر برات البلد بس قلت انو ما عايش وضعنا . هون وفهمك كفاية
بس أنت أنا أكيد انك تتمنى ان تأخذ فيزا ولو حتى على سيرلنكا فحاج تزاود أنت يا صاحبي
يا صاحبي انا اذا بدي ما باخد فيزا لإنو بكل بساطة انا معي جنسية غير سورية وفيني طلع وحدة تانية بأي لحظة يعني مو قصة عندي السفر . بس مشكلتي برات طرطوس ما فيني اطلع . بكل بساطة
اقتباس:
|
أخيراً يا ريت لا تخرجنا على الموضع بحكيك النظري البكداشي،نحن بموضوع وجود كريم في المعتقل من سبعة أشهر ومن دون السماح له باي أتصال مع العالم الخارجي لا مع الأهل ولا مع المحاميين
|
|
وبموضوع وجود كريم بالمعتقل هيدا حكينا اذا عندهن شي عليه خليهن يعرضوه على محكمة عادلة بالضرورة .
وبرجع بقلك انا مو مع بكداش ولا انا مع اي فصيل تاني .
انا زلمة ع قد الحال مملكتي اوف وموال
وتحياتي الحارة
ظل جيفارا
فإقتلوني ..وأحرقوني ..بعظامي الفانيات ..ثم مروا برفاتي ..في القبور الدارسات
....................................................إلى روح الحلاج شهيد الحرية
"تمركز رأس المال هو المشكلة ولا حل إلا الإشتراكية ."