بس قبل ما نبلش ازا شفتينا هلق انا وسامر شو بتحكيلنا
شوبقلكن؟؟؟ بكرهكون كتيير
وكم مخالفة رح نتشمطينا
عملك طلة ع بروفايلك لتشوف كم مخالفة
بس مايوصلونا عالمعتقل بعدين منبطل نقدر نسألك لهيك رح جيب اكبر قدر من الأسئلة
لنشوف
احلا رتروت يلا لقلك
يلا انا بورجيك
اي منبلش معك بلأسئلة تبعك
هدول حكر عليي مالازم حدا يسالون غيري
هني بصيغة المذكر قلبيون انتي
عمرك؟
عمري من عمر الورد...18
مهنتك؟
فايتة طب(بفتح الطاء) بكلية الطب.. وبشتغل بمحل تياب وشركة مكياج
حالتك الاجتماعية؟
عزباااااااااااااااااااااا ا
بتدخن؟
لا
ازا اي من ايمت؟
اي يلا كم سيجارة بتدخن بالنهار؟؟؟
شو نوع الدخان اللي بتدخنه؟
بتشرب؟
اي
ازا اي من ايمت
بالمناسبات فيك تقول
واديش؟
حسب المناسبة
وشو اكتر نوع بتحبه
كلو من كلو
انت ليش هيك؟؟؟ هاد جاوبيلي عليه اكتر واحد هاد
والله بدك تسال ابو عيسى مو هوي اللي خلقني؟؟ بعدين مو عاجبك لاتحاكيني
اووفت ياه شو هالعالم هي
شو اكتر غنية بتحبا؟؟ وليش؟؟؟
حسب الحالة والله... بس بهالايام كل الوقت عم اسمع اه ياحلو يامسليني
وليش هيك
مين مطربك المفضل؟؟
من بعد حبيب الطفولة وائل كفوري
ماعندي مفضل بس هدول اللي بسمعلون بس لانو بروق وانا عم اسمعلون فيروز وماجدة وزياد اغلب الاوقات طبعا
.شو المواضيع اللي تقراها بالمنتدى
حاليا ماكتيير ناشفة الاخوية...بس بقرا كل شي
شو الصفات اللي بتكرهها بالانسان
بكره النق كتيير والكذب..واكتر شي بيعصبني حدا يقللي ريتا بدي قلك شي بعدين يقللي بلا بلا او اي شي بهالمعنى
والصفات اللي بتحبها
المرح.. والصدق والحنية
شو حكمتك بالحياة
اضحك للدنيا ياحبيبي الدنيا بتضحكلك
شو هيي صفات امراة احلامك
امراة احلامي يازلمي
بس مسامح بدي ياه يكون امير اسمر وعيونو خضر جاي ع حصان ابيض
منجي للجد ماعندي فارس احلام... بس عندي شغلات لازم تكون متواجدة فيه ولهلا لساتني عم ابني هالشغلات لساتني
اذا ربحت مليون دولار, شو بتعمل فيها؟؟
شوبيييييييييييييينغ وبسافر حوالي العالم... وبساعد اهلي طبعا
انت سعيد بحياتك وليش
اي والله انا سعدانة بحياتي لانو الحياة قصيرة كتير لحدا مانكون سعدانين فيها
اذا لاء كمان ليش؟
بحياة كل واحد مننا بتمرق لحظات حزن
.اذا فشلت بتحقيق حلمك شو رح تكون ردت فعلك؟
برجع بوقف من جديد
وشو هي اكتر مادة بتكرها و كمان ليش؟
ممم لما كنت بسوريا كنت اكره المواد الحفظية كلها هلا بالجامعة انا اكره ال calculus ليش ببساطة ماعم انجح فيه
هل بتامن بالابراج ؟ و علل جوابك
ماكتير بس بسمعون ازا صحلي اسمعون مانون هاجز عندي
هل بتامن بالقدر؟ علل جوابك
بامن انو كل واحد بيقدر يصنع قدرو بايدو
هل بتامن بالسحر و المشعوذين؟ علل جوابك
لا مابامن فيون... لانو هيك مابامن فيون
عرفلي البيروقراطية والديكتاتورية
هلا ببعتلكون ياس يشرحلكون ياهون
شو اكتر شي بيعصبك؟
حدى يجي يقللي بدي قلك شغلة وبعدين يقللي انسي... و ع فكرة بعصب بسرعة فديرو بالكن
شو اكتر شي بيفرحك؟
ضحكة هيووش وحلووش
شو رايك بقضية الشرق الاوسط؟
خليا لصحابا
شلون تعرفت على أخوية ..؟
مممم.. من الدعاية اللي صارتلو بحمص
شو هدفك بالحياة ...؟
ابني عيلة صغيرة دافية... و اجمع عليتنا..وابسط اهلي
مين أكتر أعضاء بتقارلون بالأخوية ..
مممم حسب
كم اخ و اخت عندك؟
ممم وحيدة ع تلت بنات
مين من اخواتك هوي المفضل عندك وليش؟
هيا اقرب وحدة لالي... بتفهمني اكتر شي وصديقتي الصدوقة
شو هوي فيلمك المفضل وليش؟
the notebook و a walk to remember احضرون وبتعرف ليش
مين ممثلك المفضل وليش؟
قصي الخولي... كان خطيبي ايام الطفولة
شو اكتر شي بتحبو بالحياة وليش؟
مم الراحة النفسية
شو امنيتك بالحياة؟
وصل للي بدي ياه
شو ناوي تدرس؟
عم ادرس طب
شو أكتر معادلة كيمياء حفظتها بحياتك؟
راحت عن بالي بس هي المعادلة تبع الكلوجوسC6H12O6
شو أحلى قصيدة مرقت معك؟
بين ريتا وعيوني بندقية
شو درس العلوم المفضل يلي حفظتو؟
مممم مو حافظة ولادرس.. فهمانتون بس
شو حدود سوريا الجغرافية؟
يحد سوريا من الشرق شرقي الجمهورية العربية السورية ومن الشمال شمال الجمهورية العربية السورية ومن الغرب غرب الجمهورية العربية السورية اما من الجنوب فيحدها جنوب الجمهورية العربية السورية
شو طبيعة لبسك : سبور -فنكي -رسمي ؟
حسب البيئة الموجودة فيا بس بحياتي العملية FUNKY
شو اكتر موقف محرج صار معك؟
يي مافي اكتر منون انا بين الموقف والموقف في موقف
بتعتبر حالك ن الناس ياللي بيحكو كتير؟
هي هيي شو بلعي.. و ع قولة احدهم ازا مالقيت حدا احكي معو بحكي مع حالي
شو اكتر اسم بتحب للشب وللبنت؟
للشب ارام او رام وللبنت شام ونايا
مين قضوتك بالحياة ؟
بابا
شو رأيك بالطفولة و الولاد ؟
حلوين لوقت محدد وشرط مايكونو الي بهالوقت
مين أعز شخص على قلبك و ليش ؟
ممممم اخواتي...وبدون ليش
إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟
بزت حالي معون.. بس حرام باقي العيلة يزعلو علينا تنيناتنا كمان...فمشان هيك بزتون تنيناتون لا بس بزت حالي معون وماعيش بالزنب
شو أحلا أيام حياتك؟
مممم صيفية 2006 وصيفية ال 2005
شو الحياه بالنسبه إليك؟
عيلة وكل واحد فينا الو دورو ليخلي هالعيلة متماسكة
شو بنظرك بياثر اكتر دموع الفرح أم بسمة الفرح؟
ممم دموع حرقة رجال
شوالشي الذي تتمنى أن يرجع؟
مافي شي راح الا وكان الو سبب فمشان هيك ولاشي
موقف صار لك ولا تقدر تنساه؟
ليلة اللي اجت فيا ع اميركا وكنت عم ودع بابا
شو أفضل لديك بمراحل النمو هل هو الطفوله ام المراهقه ام الشباب أم الشيب؟ا
المراهقة والشباب
زيت المقلاية عم يحرقك شي؟
يعدمني اللي ببالي
ازا اضطريت انو تختار بين تتين من رفقاتك شو بتعمل
مممم بحاول اتهرب من الاختيار
الاجوبة لازم تكون مختصرة بمالايقل عن ست اسطر
وبالتوفيق
