اقتباس:
كاتب النص الأصلي : سيجارة
اي شخص راح يجا عالحكم راح يتابع بنفس سياسة القمع حتى لو كان من أبرز المعارضين والمثقفين والشرفاء لأنو الشعب عنا ما بيمشو حالو غير هيك والشغلة مو بس لت وعجن وتفنيص على بعضنا
|
أول شي سؤال صغير: ليش هالكلمات تبع لت وعجن وتفنيص؟؟ يعني انت من خلال سياق المشاركات شفت في داعي لهالكلام والإهانات؟؟
بجي لحكيك مين قلك إنو أي شخص حيجي على الحكم بدو يمشي على نفس النهج؟؟ جربت شي؟؟ بتعرف شو يعني تكون حكومة البلد مختارة من قبل الشعب بطريقة ديموقراطية حضارية؟؟ يعني بس قلي كيف قررت هالقرار حتى إفهم كيف بدي ناقشك...
لعلمك أي حكومة بتكون جاية بقرار شعبي بتكون قمة بالخوف على مصالح الشعب لأنو قرار بقائها أو تغييرها بيكون بإيد الشعب وهالشي وحدو كافي لأنو الحكومة تعمل ألف حساب لأي غلط بترتكبوا...
اقتباس:
وين بدك تنشر ثقافة الديمقراطية عند واحد ما بيسمع غير كلمة الشيخ تبع الجامع وما بيخلي مرتو أو أختو تطلع عالشارع غير إذا كانت لابسة الخمارالكامل وما عندو أي تقبل للديانات التانية ويتهمهم بالكفر والالحاد ومستعد لأنو يقوم بأي عمل ضد هي الطوائف
نحنا شعب جاهل ديمقراطيا
|
كمان كيف إكتشفت هالشي؟؟ جربت خيار هالشعب وماعجبك ولا هيك بيقولو المخابرات مشان يخوفونا؟؟ بشرفك فكر بهالفكرة تبع نحنا شعب جاهل وقلي أديش واثق من هالكلام بضميرك؟؟
في شعب بالدنيا خلق عالم ديموقراطياً؟؟ أما نتيجة الممارسة وتدوال السلطة والشراكة الوطنية اتعلمت الشعوب الديموقراطية وطبقتها بالشكل السليم؟؟
اقتباس:
|
طيب شو هوي النظام اللي لازم يحكمنا هل هوي الشيوعي أم الرأسمالي أم الفدرالي ؟؟؟؟؟
|
هو أي نظام بيختاروا الشعب بكامل حريتو... لا أنا ولا إنت منقدر نقرر بس متل ماقلتلك شو ماكانت طبيعة النظام إذا عن جد جاية نتيجة خيار شعبي حر بدو يخاف على مصالح الشعب ويعتمد الإنجازات والإصلاح والحرية حتى يضمن إستمرارو بالحكم وما رح يقدر يستعمل الجزمة والمعتقل لإستمرارو بالسطة...
اقتباس:
|
تأكد أنو نحنا العرب من المستحيل تطبق عنا الديمقراطية لأنو عنا الدين والسياسة ولدو ببطن واحد وكل عمليات فصل التوأمين سوف تفشل
|
شو دخل الدين بالموضوع؟؟ حاسس انك ماعم تربط الأفكار مزبوط.. يعني هل هذا النظام هو حامي حمى الدين أو هو مناهض للدين حتى مستمر؟؟ جد مافهمت شو الفكرة
اقتباس:
|
وبرجع وبقول المعارضة مانها موضة يا شباب
|
وين شفت بحكينا غير رصد للواقع ومحاولة للتوصل لقناعات وطنية مشتركة حتى تتهمنا انو مجانين وماشيين على الموضة؟؟ بعدين لعلمك لو منتبع الموضة كنا اتبعنا موضة " بالروح بالدم" لأنها موضة أقوى نتيجة القمع...
اقتباس:
|
واللي بيعتبرا مو موضة يشرف ويتكرم علينا بالحلول لأنو أنا حاولت أوجد حلول بس للأسف ما طلع معي شي
|
طيب إذا انت حاكم على شعبنا مسبقاً إنو جاهل ومابيستاهل ديموقراطية شو بدك بالحلول؟؟ بس خليني إرجع عدلك الحل يلي هو خيار الشعب.. دائماً خيار الشعب بيكون صح حتى لو خيارو غلط فبيكون غلطو صح لأنو هو الشعب وهو القرار وهو يلي بيطبق عليه القرار... فما حدا بيستفيد وبينضر غيرو وهالشي بيخلي قرارو صح دايماً...
اقتباس:
|
انا بصراحة بعتبر حالي جاهل ديمقراطيا
|
طيب في مجال تبقى على إعتبار حالك لأنو حقك بس مو حقك تعمم على كل الشعب...
اقتباس:
فا إذا في مجال هيك تثقفوني ديمقراطيا غير أنو انتخب رئيس غير بشار الأسد وغير أنو امشي بالشارع وسب الرئيس وبدون ما حدا يحكي معي
|
شفت جدا بالموضوع سب بشار الأسد أو قلك انتخب غيرو؟؟ ياعمي اذا ضار انتخابات حقيقية وأعيد انتخاب بشار الأسد صدقني لكون أول المؤيدين لإلو...
الديموقراطية هي ممارسة الشعب لحقو بالإختيار وتقرير مصيرو.. هي بلدو وحقو الطبيعي يحدد مين بدو يحكمها ويحاسب هالحاكم إن أخطأ ويتابع معو إن أصاب... الديموقراطية هي يلي بتطور البلاد وبتعطيها أسمى وأرقى الصفات... الديموقراطية هي بناء الأوطان بإيدين أبنائها وبخيار أبنائها.
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!!
كيف سينتصر على غزاة القمر؟؟!!