ينعن .. حقّك على اب عبدو .. تبع السيوفي .. معليم وشرفي كتّر المخللات .. قام انبطحنا ما عاد رجعنا ...
اب عمير انو سوري جدا جزيلا .. بس وحياة قرص الفلافل انو وجعني كرشي ..
لا بس جد عندي امتحانات .. كان واليوم خلصنا .. بقا سوري عالقطعة لمدة هاليومين ..
+ انو تضربو انتو منا رياضيين اي .. حدا يمد ايدو ويساعدنا بفرنك ونص .. يعني ازا انا غبت .. ما عاد حدا بيتابع شي
عكلن ملخص اليوم عالسريع منشان ام حدا يروح عليه شي ..
اليوم كاس السوبر الالماني لح ينلعب .. عال 9 وتلت بتوقيت الشام .. منقول عالجزيرة الرياضية المفتوحة 1
بين فولسفبورغ وبريمن .. لح تكون حلوة جدا جزيلا .. فيكم تشوفها ..
اليوم لح يبلش .. الاستعدادت .. للملكي .. بالشكل الجديد .. والحلة الجديدة للفريق ..
لح تكون اول مبارياته مع شامروك روفرز الايرلندي .. ومنقولة عالجزيرة الرياضية +2 .. عالساعة 10 بتوقيت الشام ..
مانشتسر يونايتيد واستعداداته .. عندك اليوم اللو لعبة مع .. نجوم الدوري الماليزي
منقولة عالجزيرة +1 وقناة مانشتير يونايتيد اللي عندو ياها ..
عال 4 الا ربع العصر ..
ارسنال عندو لعبة مع لينكولن .. سيتي بس مانا منقولة ولا بمكان ..
ميلان لعب الصبح بتوقيت الشام .. مع جالاكسي .. " شيت بيكهام " .. وتعادلو 2-2 ..
والمباراةا لاهم والاهم لهاليوم .. " بونص يومي "
الدوري السنفغوري ..
سوبر ريدز .. ودلالز .. " تدليع لدلال " .. ديرو بالكم تروح عليكم .. مجازر لح يصير فيها يعنوي ..
بالنسبة لكرة السلة ومشاركة منتخبنا السوري .. ببطولة العرب .. اللي عم تصير حاليا ..بالمغرب ..
لعب منتخبنا لهلا 3 مباريات .. خسر 2 وفاز وحدة .. خسر قدام ليبيا ب 4 نقاط 
..ومن تونس .. ب 15 نقطة ..
وفزنا على لبنان 
ب 18 نقطة .. !
ان شا الله .. يكونو الشباب .. بيقدرو يرجعو بالبطولة .. ويكملو منيح ..
اليوم في لعبة الهم ان شا الله عال 7 مع الجزائر .. ومنقولة عال (السعودية - ليبيا - المغربية ) الرياضية + الشارقة 2 ..
بقا ادعو للمنتخب .. وسوري لاني ما غطيت هي الببطولة من اولها ! ..
بالتوفيق للمنتخب .. ورجالنا .. ويا رب ..
سامحونا 