اقتباس:
|
هلأ أول شي بدنا نعرف شو مفهوم النجاح .. أو شو بتعني كلمة ناجح
|
هلأ هو النجاح بشكل عام هو تميز كل شخص بمجال عملو . وأنعكاس هاد النجاح على حياتو . يعني مو معقول يكون ناجح بعملو ومتعتر بالحياة الا بحالات قليلة . وحتى لما بتنوجد هي الحالات فالسؤال ليش هاد عدا عن غيرو . طبعا هون بدنا نركز أنو نظرة النجاح بمجتمعنا نظرة مادية . يعني الشخص بيكون ناجح قد مابيكون محقق مصاري
اقتباس:
أما بالنسبة للسؤال فـ ...... ما في شخص بالدنيا ما ( بيتمنى يكون ناجح )
بس شو نسبة الناس بالدنيا ... يللي بتشتغل عن جد لتكون ناجحة .؟
|
بعتقد على انها اكتر من نسبة الناس يلي مابتشتغل لتكون ناجحة . هلأ هون ممكن نتفق ونختلف مع الشخص أنو طريقة عملو لينجح او يحقق شي بدو ياه صح أو خطأ . بس هو بكل الأحوال شايفها هية الصح وعم يشتغل على الصح بوجهة نظرو
اقتباس:
|
بعدين منرجع لقصة ( الأدوات ) المتوفرة لكل شخص
|
الأدوات يلي ممكن تتوفر لشخص وماتتوفر لأخر . هية من ضمن القدر يلي حكت عنو نسرين
اقتباس:
يعني الشغلة نسبية و معقدة جداً
بس ضمن مفهوم معين للنجاح ... يمكن أي شخص بيقدر يكون ناجح بطريقة أو بأخرى
|
هلا بطريقة او أخرى بتشط شوية عن الفكرة العامة للموضوع . أنا مثلا كتير ناجح بطبخ السباكيتي 
. جد عم أحكي . بس هاد مابيعطيني رضا بالنفس ولا بيصنفني على أني أنسان ناجح