[maged-syrian]

كاتب النص الأصلي : أبو السييم العظيم

أهلين صديقي ماجد .. يا سيدي شكراً لإثارة هالنقطة لأننو أنا لاحظت فيها توجه ممكن ما يكون كتيير ملحوظ بس لا بأس فيه ... ممكن تعطوني أرائكم حول هالموضوع ..

رح قلكون شو بتذكر شفتو ....

إذا ما خانتني الذاكرة كان يطلعو كتيير من أغاني الأطفال متل يللي بيطلعوها سبيس تون و هي الأغاني يللي بتكون فيها صور لأطفال بنات محجبات مع إنهن لا يتجاوزو العشر سنين ... وصوتها لهي يللي بتغني كتيير بشع و بتجاكر منّو أنا كتييير ..

و بتذكر كمان كان يطلع كتيير إنشاد ديني و برامج وعظ و هداية و فتاوى و حتى لا يخلو الأمر من مسلسلات دينية بشكل شوي زيادة مقارنة بغيير قنوات

بالنهاية هاد يللي بتذكرو و يمكن يكون كلامي كلو صحيح و يمكن يكون في شي غلط ..

بس إيمتى منلاحظ كمان الفرق لما منتفرج على القناة السورية أكيد فيها برامج دينية بس مافي تركيز على هي النواحي و بعتقد إنو هاد الشي مشهود فيه للتلفزيون السوري .. شو رأيك أخي ماجد بهي النقطة

على كلّن بتضل قناة سورية خاصة و على قولة أبو سمرة مرحب فيها من الكل

اشكرك خيو ابو السييم على طرحك السليم لوجهة نظرك