أنا واحد من الناس ما بعطي كتاب استعارة لأبوي ... يجي يقراه عندي بالبيت بس من البيت ما بيطلع... لأنو 80% أو أكثر من الكتب اللي تنعار ما ترجع
بالعكس أعتقد انو سعر الكتاب عامل مهم (طبعا لا يعني هالحكي انو لو الكتار رخيص كان كل الدنيي عم تقرا, لكن كان اللي اساسا يقرا يمكن يقرا أكتر) و كدليل عندك الجيل اللي قبلي و قبلك... اللي عاش طفولتو و بداية مراهقتو ع أيام التمانينات... أيام دار رادوغا و هالشلة من دور النشر السوفيتية اللي كانت تبيع الكتاب بفرنكات... هالجيل يمكن أكثر الأجيال ثقافة عننا بسوريا, و من لما انفقدت هالكتب (اللي كانت أغلبها روايات روسية و كتب علمية بسيطة.. مو هالشغلة الكبيرة يعني) انخفضت وتيرة القراءة كتير.. يجوز عدا فقدان هالكتب في اسباب و عوامل اخرى مثل انو صار عنا ستالايت و صار في وسائل ترفيه أكثر... بس اعتقد انو كمان سعر الكتاب كان عامل مهم